ЭЪЛОМИЯИ ДУШАНБЕ 2022. Ин санад аз натиҷаи Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 қабул гардид
ДУШАНБЕ, 08.06.2022 /АМИТ «Ховар»/. Имрӯз, 8 июн баъди анҷом ҷаласа ва дигар ҳамоишҳо дар доираи Раванди оби Душанбе бо иштироки Сарвазири Ҷумҳурии Тоҷикистон Қоҳир Расулзода ва муовини Дабири кулли Созмони Милали Муттаҳид Лю Женмин барои доираи васеи хабарнигорони дохилию хориҷӣ нишасти матбуотӣ доир гардид.
Дар нишаст Сарвазири мамалакат Коҳир Расулзода ва муовини Дабир кулли СММ Лю Женмин баргузории Конфронси Душанбе оид ба обро натиҷагирӣ карда, аз раванди он ба хабарнигорон маълумоти мафассал доданд.
Таъкид гардид, ки дар ҳамин замина давоми се рӯз дар шаҳри Душанбе 5 форуми сатҳи баланд, 12 панели мавзӯӣ бо фарогирии ҳамаи мавзӯъҳои вобаста ба обу иқлим, 11 ҷаласаи дуҷониба, Фестивали об ва марафони байналмилалии варзишӣ баргузор гардид.
Ҷумҳурии Тоҷикистон ҳамчун кишвари ташаббускор дар самти бартараф кардани мушкилот вобаста ба обу иқлим пешсаф арзëбӣ гардид.
Гуфта шуд, ки ин ташаббусҳо аз ҷониби СММ ҳамаҷониба дастгирӣ меëбанд. Аз ҷумла, дар доираи пешниҳодҳои Асосгузори сулҳу ваҳдати миллӣ – Пешвои миллат Эмомалӣ Раҳмон вобаста ба эълон гардидани соли 2003 Соли оби тоза, солҳои 2005-2015 Даҳсолаи байналмилалии амал об барои ҳаëт, соли 2013 Соли ҳамкорӣ дар соҳаи об ва даҳсолаи байналмилалии амал об барои рушди устувор дар шаҳри Душанбе даҳҳо чорабинии сатҳи миллӣ, минтақавӣ ва байналмилалӣ баргузор гардид, ки ҳар кадом натиҷаи манфиатоварро ба бор овард.
Дар Конфронси навбатии сатҳи баланд намояндагон аз 75 давлат, 634 созмону ташкилотҳои миллӣ, минтақавӣ ва байналмилалӣ дар маҷмӯъ 2600 нафар иштирок намуданд.
Ҳамчунин беш аз 500 нафар бо усули онлайн ба чорабиниҳои гуногуни дар доираи Конфронси дуюми байналмилалии сатҳи баланд оид ба Даҳсолаи байналмилалии амал об барои рушди устувор солҳои 2018 — 2028 баргузоршуда пайваста, андешаи худро роҷеъ ба масъалаҳои мавриди назар баëн доштанд.
Аз натиҷаи Конфронси мазкур Эъломияи Душанбе 2022 қабул карда шуд.
АКС: АМИТ «Ховар»
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
