Имсол вилояти Суғд дар майдони беш аз 30 ҳазор гектар кишти такрорӣ мегузаронад
ДУШАНБЕ, 27.06.2022 /АМИТ «Ховар»/. Дар ҳамаи шаклҳои хоҷагидории вилояти Суғд дар майдони 30 ҳазору 100 гектар кишти такрорӣ гузаронида мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Тибқи иттилои манбаъ, Раиси вилояти Суғд Раҷаббой Аҳмадзода 24 июн зимни сафари корӣ бо ҷараёни корҳои саҳроӣ аз ҶСК ба номи «Абдураҳим Ҷумъаев»- и ноҳияи Бобоҷон Ғафуров дидан намуд.
Иттилоъ дода шуд, ки бо мақсади таъмини иҷрои дастуру супоришҳои Президенти мамлакат муҳтарам Эмомалӣ Раҳмон соли равон дар ноҳияи Бобоҷон Ғафуров дар майдони 5212 гектар кишти такрории зироатҳо гузаронида шуда, ба масъалаи истифодаи самараноки замин таваҷҷуҳи зарурӣ зоҳир карда мешавад.
Кишоварзон дар ҶСК ба номи «Абдураҳим Ҷумъаев» 140 гектар гандум навъи «Старшина» кишт карда, беш аз 40 сентнерӣ ҳосил гирифтаанд. Ҳамакнун дар заминҳои холишуда кишти такрорӣ ба роҳ монда шудааст.
Заминҳои ҶСК ба номи «Абдураҳим Ҷумъаев» 2736 га буда, дар 1750 гектари он пахта кишт гардидааст.
Раиси вилоят дар суҳбат бо кишоварзон тавсия дод, ки кишти такрорӣ бо маслиҳати мутахассисони соҳа гузаронида шуда, интихоби зироати киштшаванда бо назардошти иқлим ва обу хок сурат гирад. Зеро интихоби дурусти зироат имкон медиҳад, ки ҳосили дилхоҳ ба даст оварда шавад.
Дар ноҳияи Бобоҷон Ғафуров масоҳати заминҳои корами обӣ 20 ҳазору 220 гектар, заминҳои корами лалмӣ 295 гектар, заминҳои наздиҳавлигӣ 8450 гектар, заминҳои хоҷагии ёрирасони шахсии шаҳрвандон 975, заминҳои ҷангалу бешазор 2019 гектар мебошад.
АКС: Хадамоти матбуоти Раиси вилояти Суғд
Ба буҷети Тоҷикистон аз «андозбандиҳои Google» зиёда аз 1,5 млн сомонӣ маблағ ворид гардид
Миёни вилояти Хатлони Тоҷикистон ва вилояти Сурхондарёи Узбекистон 23 созишномаи ҳамкорӣ ба имзо расиданд
Роҳи оҳани нави боркашонӣ аз Чин ба Осиёи Марказӣ ба истифода дода шуд
ҲАМА РОҲҲО БА ТОҶИКИСТОН МЕБАРАНД. Азим Иброҳим дар Конфронси байналмилалии вазирони нақлиёт дар Туркманистон ширкат мекунад
Ба Минтақаи озоди иқтисодии «Данғара» дар ҳаҷми 61 млн сомонӣ сармоягузорӣ карда шуд
ВАСЛГАРОНИ ДИРӮЗУ ИМРӮЗИ МИЛЛАТ. 14 август дар Тоҷикистон Рӯзи кормандони соҳаи сохтмон таҷлил мегардад
Афзоиши баландтарини иқтисодӣ миёни кишварҳои БАОР дар Арманистон ва Тоҷикистон ба қайд гирифта шудааст
БОРИ АВВАЛ ДАР ТОҶИКИСТОН. «Бонки Эсхата» платформаи электронии дастрасии мустақим ба Биржаи байнибонкии асъории Москваро пешниҳод намуд
Дар Суғд оид ба омӯзиши технологияи муосири парвариши ангур ва барқарор намудани токзорҳои кӯҳна машварат доир шуд
Дар Душанбе ҷаласаи Шӯрои ҳамоҳангсоз оид ба масъалаҳои идоракунии молияи давлатӣ баргузор шуд
«БЕҲТАРИН СОДИРОТКУНАНДАИ ТОҶИКИСТОН». Ҷаласаи васеи ҳайати комиссияи экспертии озмуни ҷумҳуриявӣ доир шуд
ДАР ТОШКАНД ФОРУМИ ДУЮМИ ИҚТИСОДИИ КИШВАРҲОИ УЗВИ СҲШ ДОИР МЕШАВАД. Бо ибтикори Тоҷикистон он бори аввал моҳи июни соли гузашта баргузор шуда буд
