Кишоварзони Турсунзода дар майдони 4500 гектар шолӣ кишт менамоянд
ТУРСУНЗОДА, 23.06.2022 /АМИТ «Ховар»/. Деҳқонони шаҳри Турсунзода соли равон майдони кишти шолиро боз ҳам васеътар намуда, нақша доранд кишти шолиро ба 4 ҳазору 500 гектар расонида, ҳосилнокии онро боз ҳам афзун намуда, дар таъмини амнияти озуқавории мамлакат саҳми арзанда гузоранд.
Муовини Раиси шаҳр Пардаалӣ Турсунзода ба мухбири минтақавии АМИТ «Ховар» гуфт, ки дурнамои кишти асосии шолӣ дар сохтори кишоварзӣ ва заминҳои хоҷагии ёрирасону наздиҳавлигӣ дар деҳоти шаҳр 500 гектар буд. Хушбатона деҳқонони шаҳр то 22 июни соли равон 950 гектар шолӣ кишт намудаанд.
Ҳамчунин дар кишти такрорӣ, пас аз ҷамъоварии ҳосили гандуму ҷав ва картошкаи пешпазаку дигар намуди сабзавотҳо дар ҳамаи шаклҳои хоҷагидорӣ дар 4000 гектар кишти шолӣ ба нақша гирифта шудааст, ки тибқи маълумоти фаврӣ, дар майдони 3415 гектар шолии навъҳои асосан «Юбиле» ва «Лазер» кишт гардидааст.
Имрӯзҳо баҳри иҷрои нақшаи дарпешистода кишти шолӣ муташаккилона идома дорад.
Мувофиқи ҳисоботи омории шаҳри Турсунзода, кишоварзони шаҳр соли 2022 дар майдони 8119,3 гектар ғалладона кишт намуданд, ки имрӯзҳо ҷамъоварии ҳосили он муташаккилона идома дорад.
Тибқи маълумоти фаврӣ, ба ҳолати 22 июни соли равон аз майдони 5562,3 гектар ғалладонагӣ ҷамъоварӣ гардид, ки ҳосилнокии он аз ҳисоби заминҳои обӣ аз як гектар 43 сентнер ва аз ҳисоби заминҳои лалмӣ 16 сентнерро ташкил дода истодааст.
Ёдовар мешавем, ки кишоварзони шаҳри Турсунзода соли 2021 дар майдони 4 ҳазору 43 гектар шолӣ кишт намуда, 18 ҳазору 269 тонна шолӣ истеҳсол намудаанд, ки дар таъмини амнияти озуқавории мамлакат саҳми муносиби худро гузоштанд.
АКС: Мақомоти иҷроияи ҳокимияти давлатии шаҳри Турсунзода
Дар Афғонистон 1,4 миллион духтар аз таҳсил дар мактаб дур мондаанд
Дар ноҳияи Айнӣ пайомадҳои офати табиӣ бартараф мегарданд
Пагоҳ дар Душанбе Иди тарбуз, харбуза ва каду баргузор мегардад
«Худшиносӣ – омили таҳкимбахши давлатдории миллӣ». Таҳти ин унвон дар шаҳри Гулистон вохӯрӣ баргузор гардид
Имрӯз дар Тоҷикистон ҳаво то 36 дараҷа гарм мешавад
Дар Афғонистон ба занон сурудхонӣ ва қироат бо садои баланд дар ҷойҳои ҷамъиятӣ манъ карда шуд
Дар ноҳияи Ванҷ бахшида ба ташаббусҳои ҷаҳонии Тоҷикистон конфронси ҷумҳуриявӣ доир гардид
Имрӯз дар шаҳри Душанбе ҳаво то 36 дараҷа гарм мешавад
Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
22-23 август дар баъзе минтақаҳои кӯҳии Тоҷикистон омадани сел дар назар аст
Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
