ҶОМИ ОСИЁ-2022. Имрӯз дастаи мунтахаби ҷавонони то 23-солаи Тоҷикистон бо Арабистони Саудӣ вориди рақобат мешавад

ДУШАНБЕ, 03.06.2022 /АМИТ «Ховар»/. Аз 1 то 19  июн дар шаҳри Тошканди Ҷумҳурии Узбекистон Мусобиқаи Ҷоми Осиё миёни ҷавонони то 23-сола оид ба футбол баргузор мегардад. Дар ин мусобиқа 16 кишвари қора  ширкат меварзанд, аз ҷумла Тоҷикистон. Дастаҳо ба 4 гурӯҳи чордастаӣ  ҷудо шудаанд. Аз ҳар як гурӯҳ ду дастаӣ  (дар маҷмӯъ 8 даста) ба марҳилаи чаҳорякниҳоӣ роҳ меёбанд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар рӯзи аввали  Мусобиқаи Ҷоми Осиё миёни ҷавонони то 23-сола   рақобатҳо  бо  чунин натиҷаҳо ба қайд гирифта шудаанд:

01.06.2022

Эрон (U23) 1:1  Қатар (U23)

Австралия (U23)  2:0 Қувайт (U23)

Узбекистон (U23) 1:0 Туркманистон (U23)

Урдун (U23) 1:1 Ироқ (U23)

Имрӯз дар доираи бозиҳои марҳилаи гурӯҳии Ҷоми Осиё-2022   дастаҳои мунтахаби ҷавонони то 23-солаи   Кореяи Ҷанубӣ бо Малайзия  ва Тайланд  бо  Ветнам  вориди  майдони рақобат мешаванд.

Ёдовар мешавем, ки  дастаи  мунтахаби ҷавонони  то 23-солаи Тоҷикистон оид ба футбол 3 июн бо ҳамтоёни хеш аз Арабистони Саудӣ рақобат  мекунад.

                                                                                                                 Акс: ФФТ