Таҳияи Лоиҳаи «Барномаи давлатии мусоидат ба шуғли аҳолӣ барои солҳои 2023-2025» шурўъ гардид
ДУШАНБЕ, 22.06.2022 /АМИТ «Ховар»/. Дар Ҷумҳурии Тоҷикистон таҳияи лоиҳаи «Барномаи давлатии мусоидат ба шуғли аҳолӣ барои солҳои 2023-2025» шурўъ гардида, дар он афзалиятҳои муайяншудаи «Консепсияи рушди шуғли пурмаҳсул барои давраи то соли 2040», ҳадафҳои пешбинишуда дар харитаи роҳи рушди фаъолияти вазорат то соли 2026, инчунин натиҷаҳои татбиқи барномаи мазкур ба инобат гирифта мешаванд. Ин матлаб 21 июн зимни баргузории ҷаласаи Кумитаи ҷумҳуриявии мусоидат ба шуғли аҳолӣ дар Вазорати меҳнат, муҳоҷират ва шуғли аҳолии мамлакат баён гардид.
Тавре аз маркази матбуотии Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» доданд, ҷаласаи мазкур таҳти раёсати муовини Сарвазири Ҷумҳурии Тоҷикистон Матлубахон Сатториён доир шуда, дар кори он Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода, мудири шуъбаи меҳнат, муҳоҷират ва шуғли аҳолии Дастгоҳи иҷроияи Президенти Ҷумҳурии Тоҷикистон Гулрӯ Ҷабборзода, инчунин намояндагони вазорату идораҳо ва шарикони иҷтимоӣ иштирок доштанд.
Дар ҷаласа се масъала: Ҷараёни иҷрои «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2020-2022», ҳолати иҷрои барномаи мазкур дар вилояти Хатлон ва нақшаи кори Кумита барои нимсолаи дуюми соли равон мавриди баррасӣ қарор гирифтанд.
Гуфта шуд, ки дурнамои «Барномаи давлатии мусоидат ба шуғли аҳолӣ дар солҳои 2020-2022» дар сатҳи ҷумҳуриявӣ 118,6 фоиз ва дар вилояти Хатлон 120 фоизро ташкил медиҳад. Новобаста ба таъмини иҷрои барзиёди дурнамои барнома ҳанӯз ҳам, камбудиву мушкилот дар татбиқи барнома ҷой доранд.
Вазири меҳнат, муҳоҷират ва шуғли аҳолӣ Ширин Амонзода зимни баромад иброз намуд, ки Барномаи давлатии мусоидат ба шуғли аҳолӣ дар таъмини суботи иҷтимоӣ ва баланд бардоштани сатҳи некуаҳволии мардум нақши муҳим дошта, фаъолияти сохторҳои вазоратро дар соли равон тақвият медиҳад.
Дар ҷараёни ҷаласа муовини Сарвазир Матлубхон Сатториён ба шахсони масъул баҳри бартараф намудани мушкилоти ҷойдошта дар раванди амалишавии барнома дастуру супоришҳои мушаххас дод.
АКС: Вазорати меҳнат, муҳоҷират ва шуғлии аҳолии ҶТ
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
ИСТИҚЛОЛИЯТ — ҚИМАТТАРИН НЕЪМАТИ ЗИНДАГӢ. Дар мақомоти Ваколатдор оид ба ҳуқуқи инсон ҳамоиши идона баргузор шуд
Дар Чин барои хизматчиёни давлатӣ даври омӯзишӣ оғоз гардид
Лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлон» амалӣ шуд
Ғолибони озмунҳои ҷумҳуриявии «Ҳамсари беҳтарин» ва «Фарзанд-боғи падару модар» муайян гардиданд
Ягона роҳи пешгирии бемории сурхча ва гулафшон иммунизатсия мебошад
Дар беш аз 400 муассисаи тандурустии Тоҷикистон воситаҳо барои пардохти электронӣ насб гардиданд
Дар шаҳри Турсунзода биноҳои Маркази касбомӯзӣ ва раёсати Агентии меҳнат ва шуғли аҳолӣ бунёд мегарданд
Озмунҳои ҷумҳуриявии «Беҳтарин ҳамсар» ва «Фарзанд-боғи падару модар» ҷамъбаст мегарданд
Ҷаласаи V Шурои ҳамоҳангсози мақомоти ваколатдори давлатҳои аъзои СААД баргузор гардид
Дар Тоҷикистон ҳавои фасли тирамоҳ чӣ гуна мешавад?
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
