Тоҷикистон дар бозии аввали дӯстона дастаи Амороти Муттаҳидаи Арабро мағлуб намуд
ДУШАНБЕ, 03.06.2022 /АМИТ «Ховар»/. Шоми дирӯз дар Варзишгоҳи марказии ҷумҳуриявии шаҳри Душанбе бозии аввали дӯстона миёни дастаҳои мунтахаби футболи ҷавонони то 20-солаи Тоҷикистон ва Амороти Муттаҳидаи Арабӣ дар сатҳи баланд баргузор гардид. Дар вохӯрӣ дастаи мунтахаби ҷавонони то 20-солаи Тоҷикистон оид ба футбол дастаи мунтахаби ҷавонони Амороти Муттаҳидаи Арабро бо ҳисоби калони 3:1 мағлуб намуд. Дар ин бора ба шореҳи варзиши АМИТ «Ховар» аз Федератсияи футболи Тоҷикистон хабар доданд.
Голҳоро дар ҳайати дастаи мунтахаби ҷавонони Тоҷикистон Салам Ашӯрмамадов, Азизбек Ҳайитов ва Меҳроб Асоев ба ҳадаф расониданд. Голи ягонаи меҳмононро Ал-Ҷуниби Ҳазза ба нишон расонид.
Ёдовар мешавем, ки 4 июн дастаҳои мунтахаби футболи ҷавонони Тоҷикистон ва Амороти Муттаҳидаи Арабӣ дар Душанбе вохӯрии дуюми дӯстона анҷом медиҳанд. Дидори дастаҳо соати 20:00 оғоз мешавад.
Дар марҳилаи интихобии Ҷоми Осиё-2023 дастаи мунтахаби ҷавонони то 20-солаи Тоҷикистон дар гурӯҳи «I» баромад мекунад. Дастаҳои Камбоҷа, Лубнон ва Сингапур ҳарифони ҷавонони мо мебошанд. Даври интихобӣ аз 14 то 18 сентябр дар Душанбе баргузор мешавад.
Ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегиранд, ба марҳилаи ниҳоии Ҷоми Осиё-2023 миёни ҷавонон, ки аз 1 то 18 марти соли оянда дар Узбекистон баргузор мешавад, роҳ меёбанд.
Акс: ФФТ
Хабарҳои дигари ин бахш
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
Паралимпичиёни тоҷик бо дастовардҳои бузурги варзишӣ ба Ватан баргаштанд
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
