Тоҷикистон воридот, истеҳсол ва фурӯши фурӯзонакҳои каммасрафи симобдорро манъ намуд

Июнь 14, 2022 13:11

ДУШАНБЕ, 14.06.2022 /АМИТ «Ховар»/. Тоҷикистон воридот, истеҳсол ва фурӯши фурӯзонакҳои каммасрафи симобдорро манъ намуд. Дар ин хусус Қарори Ҳукумати Ҷумҳурии Тоҷикистон аз 1 июни соли равон ба тасвиб расид, ки дар асоси он воридот, истеҳсол ва ба фурӯш баровардани фурӯзонакҳои симобдор бо рамзи «8539322001» дар қаламрави кишвар манъ карда мешавад. Ҳадафаз қабули ин санад ҷилавгирӣ аз зарари симоб ба муҳити атроф, хусусан аҳолии мамлакат мебошад.

Тавре дар суҳбат ба хабарнигори АМИТ «Ховар» муовини сардори Раёсати таъминоти метрологии Агентии «Тоҷикстандарт» Файзалӣ Шодмонзода гуфт, фурӯзонакҳои каммасрафи люминестентиро, ки аз соли 2009 инҷониб дар ҷумҳурӣ истифода бурда мешаванд, соҳибкорон асосан аз Русия, Чин Туркия ва Эрон ворид месозанд.

«Ҳангоми истифодабарии фурӯзонакҳои люминасентӣ — симобдори сифаташон ё баъди корношоям гардиданашон, ки онҳоро ба партовгоҳҳо мебаранд, симоб ба муҳити зист паҳн гардида, ба саломатии инсонҳо ва табиат зарар мерасонад. Баъди корношоям шудан чунин фурӯзонакҳо бояд дар ҷойҳои махсус безарар гардонида мешуданд. Мақомоти «Тоҷикстандарт» ба соҳибкороне, ки чунин навъи фурӯзонакҳоро ба ҷумҳурӣ ворид менамуданд, баъди аз санҷиш гузаронидан сертификати мутобиқат медоданд», — гуфт Файзалӣ Шодмонзода.

Тибқи иттилои мутахассиси Агентии «Тоҷикстандарт», фурӯзонакҳои каммасрафи люминестентӣ инчунин зуд корношоям гардида, муҳлати истифодабариашон тӯлонӣ нест. Фурӯзонакҳои каммасрафи нуридиҳандаи диодӣ ҳангоми пасту баланд гардидани шиддатнокии барқ тобовар буда, рушноӣ медиҳанд ва муҳлати истифодабарии онҳо тӯлонӣ аст. Фурӯзонакҳои каммасрафи диодӣ дар қиёс ба фурӯзонакҳои каммасрафи симобдор рӯшноии бештар доранд ва барқро камтар мегиранд.

Бояд тазаккур дод, ки дар радифи манъи фурӯзонакҳои каммасрафи симобдор Хукумати мамлакат ба Вазорати саноат ва технологияҳои нави ҷумҳурӣ, Кумитаи давлатии сармоягузорӣ ва идораи амволи давлатӣ дастур додааст, ки барои тақвияти истеҳсоли фурӯзонакҳои каммасрафи нуридиҳандаи диодӣ ва аз лиҳози экологӣ безарар дар ҷумҳурӣ тадбирҳо андешанд.

Мавриди зикр аст, ки соли 2009 Фармони Президенти мамлакат «Дар бораи тадбирҳои иловагии истифодаи сарфаҷӯёнаи энергия» ба имзо расида буд, ки ҳадафаш таъмини ҳарчи бештари аҳолӣ бо неруи барқ ва ба роҳ мондани истифодаи сарфакоронаи он, инчунин баҳрабардории васеъ аз асбоб ва таҷҳизоти каммасрафи барқӣ буд. Дар асоси ин Фармон аз 1 майи соли 2009 Тоҷикистон ба истифодаи лампаҳои каммасрафи барқӣ шуруъ намуда буд.

АКС аз манбаъҳои боз

Июнь 14, 2022 13:11

Хабарҳои дигари ин бахш

Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид
Дар Узбекистон Форуми минтақавии нозирони давлатии меҳнати кишварҳои Осиёи Марказӣ ва Русия доир мешавад
Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
Кишоварзони шаҳри Ваҳдат дар майдони 6480 гектар кишти такрорӣ гузарониданд
Азим Иброҳим, Вазири нақлиёт: Тоҷикистон ба кишвари транзитӣ табдил меёбад
Палатаи савдо ва саноат: Иштироки соҳибкорони Тоҷикистон дар 18 намоишгоҳи дохилӣ ва хориҷӣ таъмин карда шуд
Дар масири Душанбе-Волгоград, Хуҷанд-Волгоград, Кӯлоб-Волгоград қатораҳои мусофирбар ба ҳаракат медароянд

Маводҳои таҳлилӣ