ЧЕМПИОНАТИ CAFA-2022. Имрӯз мунтахаби занонаи Тоҷикистон бо дастаи Узбекистон бозӣ мекунад

ДУШАНБЕ, 11.07.2022 /АМИТ «Ховар»/. Имрӯз, 11 июл, дар Варзишгоҳи марказии ҷумҳуриявии шаҳри Душанбе бозиҳои даври дуюми мусобиқоти қаҳрамонии Ассотсиатсияи футболи Осиёи Марказӣ (CAFA) байни мунтахабҳои занона баргузор мешаванд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Соати 19:00 вохӯрии дастаҳои мунтахаби Туркманистону Қирғизистон оғоз шуда, соати 22:00 дастаҳои мунтахаби занонаи Тоҷикистону Узбекистон вориди майдони рақобат мешаванд.

Даромад ба варзишгоҳ ройгон аст!

Федератсияи футболи Тоҷикстон ҳамаи мухлисонро ба тамошои футболи хубон даъват менамояд.

Чемпионати CAFA-2022 миёни мунтахабҳои занона

Даври 2

11 июл (душанбе)

19:00 – Туркманистон – Қирғизистон

22:00 – ТОҶИКИСТОН – Узбекистон

Душанбе, Варзишгоҳи марказии ҷумҳуриявӣ

Акс: ФФТ