Дар Фурудгоҳи байналмилалии Душанбе Ситоди доимоамалкунада оид ба назорати саломатии мусофирон таъсис дода шудаст
ДУШАНБЕ, 28.07.2022 /АМИТ «Ховар»/. Дар иртибот ба хуруҷи бемории COVID-19 дар бархе кишварҳои минтақа дар Фурудгоҳи байналмилалии Душанбе тадбирҳои назоратии пешгирикунанда андешида шуда, ҷиҳати назорати вазъи саломатии мусофирон ситоди доимоамалкунада фаъолият менамояд. Чунин гуфт директори Агентии авиатсияи граждании назди Ҳукумати Ҷумҳурии Тоҷикистон Дилшод Сафарзода имрӯз дар нишасти матбуотӣ ба хабарнигорон.
Мавриди зикр аст, ки дар фурудгоҳҳои бархе аз давлатҳои минтақа, аз ҷумла Русия ва Қазоқистон чораҳои пешгирикунанда шадидтар карда шудаанд.
Бо дахли фаъолияти Фурудгоҳи байналмилалии Душанбе Дилшод Сафарзода афзуд, ки дар ин давра фурудгоҳ ба 731 ҳазор нафар мусофир хизмат расонидааст, ки нисбат ба ҳамин давраи соли гузашта беш аз 398,3 ҳазор мусофир ё 2,2 маротиба зиёд аст. Миқдори умумии бор ва почтаи аз ҷониби терминали боркашонии Фурудгоҳи байналмилалии Душанбе қабул ва интиқолгардида беш аз 962 тоннаро ташкил дод, ки назар ба ҳамин давраи соли гузашта беш аз 432 тонна ё аз 81 фоиз зиёд мебошад.
Инчунин дар ин давра Фурудгоҳи байналмилалии Душанбе қариб дар 2800 хатсайр хизмат расонидааст, ки аз он 2415 адад хатсайри мунтазам ва 377 адад хатсайри номунтазам мебошанд.
Марзия САИДЗОДА,
АМИТ «Ховар»
АКС: АМИТ «Ховар»
ҒИЗОИ СОЛИМ. Пудина ва шибит бо хосиятҳои шифобахши худ маъруфанд
Дар Душанбе масъалаҳои мубрами таҳсилоти миёнаи касбӣ дар шароити рушди инноватсия ва рақамикунонӣ баррасӣ гардид
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
Дар Ню-Йорк масъалаҳои тавсеаи имкониятҳои занон дар Тоҷикистон баррасӣ гардид
Оид ба дурнамои нави ҳамкории Тоҷикистону Узбекистон конференсияи байналмилалӣ доир шуд
Муассисаҳои давлатии нигоҳдории роҳҳо зарари офати табииро дар роҳҳои мошингард бартараф менамоянд
Намояндагони Тоҷикистон дар Ню-Йорк дар ҳамоиш оид ба ҳуқуқи занон ба замин иштирок намуданд
Ҳайати Тоҷикистон дар мубоҳисаҳои умумии ҷаласаи 70-уми Комиссияи СММ оид ба мақоми зан иштирок намуд
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
