Донишгоҳи давлатии тиббии Тоҷикистон соҳиби сертификати мутобиқат ба стандарти Федератсияи умумиҷаҳонии таҳсилоти тиббӣ аст
ДУШАНБЕ, 13.07.2022 /АМИТ «Ховар»/. Имрӯз зимни нишасти матбуотӣ ректори Донишгоҳи тиббӣ ба номи Абуалӣ ибни Сино Маҳмадшоҳ Гулзода ба хабарнигорон иттилоъ дод, ки Донишгоҳ мазкур аввалин шуда ба пуррагӣ ҳамаи барномаи таълимиро аз аккредитатсияи байналмилалӣ гузаронида, соҳиби сертификати мутобиқат ба стандарти Федератсияи умумиҷаҳонии таҳсилоти тиббӣ гардидаст.
Номбурда илова кард, ки доштани сертификати мазкур далели таъмини таҳсилоти босифат буда, барои донишгоҳ имкониятҳои нав ва эътирофи байналмилалӣ доштани онро тасдиқ менамояд.
Ҳамчунин дар ҷараёни нишаст зикр шуд, ки дар соли равон 1874 нафар донишҷӯён, аз ҷумла, аз факултети тиббӣ 1164 нафар, педиатрӣ 96 нафар, стоматологӣ 166 нафар, фармасевтӣ 63 нафар ва аз тиббӣ-профилактикӣ 29 нафар имтиҳонҳои хатмро бо муваффақият супориданд. Аз теъдоди умумии хатмкунандагон 253 нафар тибқи квотаи Президентӣ таҳсил намуда, 356 нафарашонро донишҷӯёни хориҷӣ ташкил медиҳад.
Ба гуфти Маҳмадшоҳ Гулзода, 44, 7 фоизи донишҷўёнро дар донишгоҳ духтарон аз шаҳру ноҳияҳои мамлакат ташкил медиҳанд. Аз шумораи тариқи квотаи Президенти таҳсил мекарда 50 фоизашон низ духтарон мебошанд.
«Сол то сол шумораи географияи муҳасилини хориҷии хоҳишманди дар донишгоҳ таҳсилкунанда низ афзоиш ёфта, дар соли таҳсили 2021-2022 1977 нафар муҳасилини хориҷӣ аз 20 давлати дунё, аз ҷумла, дар зинаи таҳсилоти тодипломӣ 1936 нафар донишҷӯёни хориҷӣ ва 41 нафар дар зинаи таҳсилоти баъдидипломию курсҳои омодагии қаблӣ ба таҳсил фаро гирифтиа шудаанд»,- иброз намуд ректори Донишгоҳи тибби Тоҷикистон ба номи Абуалӣ ибни Сино Маҳмадшоҳ Гулзода .
Бояд гуфт, ки Донишгоҳи мазкур бо 61 муассисаҳои таълимию илмӣ ва ташкилиҳои хориҷӣ шартномаи ҳамкорӣ бастааст. Дар нимсолаи аввал 2 созишномаи дуҷониба тамдид ва 6 созишномаи дуҷониба бо муассисаҳои таълимию илми Федератсияи Русия, Ҷумҳурии Қазоқистон ва Корея ба имзо расидааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Донишгоҳи технологии Тоҷикистон масоили инфрасохтори рақамӣ барои ҳукумати электронӣ баррасӣ шуд
Даҳгонаи беҳтарин довталабон дар имтиҳонҳои марказонидаи дохилшавии солҳои 2023-2024 муайян гардиданд
«ФУРӮҒИ СУБҲИ ДОНОӢ КИТОБ АСТ». Волидони ғолибони озмун сазовори нишони «Маърифатпарвар» гардиданд
Намояндагони Тоҷикистон дар конфронси ҷаҳонии рушди таҳсилоти касбӣ дар Чин иштирок намуданд
Байни Донишгоҳи давлатии омӯзгории Тоҷикистон ва Донишгоҳи касбии Заоҷуани Чин созишномаи ҳамкорӣ ба имзо расид
Маркази барномаҳои байналмилалӣ барои таҳсили шаҳрвандони Тоҷикистон дар муассисаҳои таҳсилоти олӣ ва илмӣ дар давлатҳои хориҷӣ қабули ҳуҷҷатҳоро эълон намуд
Намояндаи Тоҷикистон дар Форуми ректорони муассисаҳои таҳсилоти олии касбии давлатҳои Осиёи Марказӣ иштирок намуд
Маркази миллии тестӣ барои хатмкунандагони 530 муассисаи таълимӣ имтиҳонҳои озмоишӣ баргузор менамояд
Дар Душанбе Озмуни ҷумҳуриявии «Малакаи касбӣ» ҷамъбаст мешавад
Байни Донишгоҳи давлатии омӯзгории Тоҷикистон ва Донишгоҳи касбии Линий созишномаи ҳамкорӣ ба имзо расид
ҲАВАСМАНД НАМУДАНИ ОМӮЗГОРОН. Дар шаҳри Хоруғ ба 112 муаллим ва табиб замини наздиҳавлигӣ дода мешавад
Хонандагони тоҷик дар Олимпиадаи байналмилалии «ASMOPSS» соҳиби ҷойҳои дуюм ва сеюм гардиданд
