ИМРӮЗ ДАР ЕКАТЕРИНБУРГИ РУСИЯ НАМОИШГОҲИ БАЙНАЛМИЛАЛИИ «ИННОПРОМ» ИФТИТОҲ МЕЁБАД. Ҳайати Тоҷикистонро дар он директори Агентии содирот Шавкат Бобозода роҳбарӣ мекунад
ДУШАНБЕ, 04.07.2022 /АМИТ «Ховар»/. Ҳайати Тоҷикистонро дар Намоишгоҳи байналмилалии саноатии «Иннопром», ки имрӯз, 4 июл дар шаҳри Екатеринбурги Русия ифтитоҳ мешавад, директори Агентии содиротии назди Ҳукумати ҶТ Шавкат Бобозода роҳбарӣ мекунад. Дар ин бора ба АМИТ «Ховар» дар Агентии мазкур иттилоъ доданд.
Тавре дар Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, ба ҳайати Тоҷикистон намояндагони Мақомоти иҷроияи ҳокимияти давлатии вилояти Хатлон ва соҳибкорони маъруфи Тоҷикистон шомил мебошанд.
Директори Палатаи савдо ва саноати вилояти Хатлон Фарҳод Расулзода дар намоишгоҳ дар вилояти Свердловски Русия ширкат мекунад. Дар ин вилоят калонтарин маҷмааи неругоҳҳои барқи обии Русия ҷойгиранд. Дар вилоят саноати сабук, хӯрокворӣ, кимиё, электротехникӣ ва металл, инчунин истихроҷи нафт, газ ва намаки сангӣ рушд кардааст.
Намоишгоҳи байналмилалии саноатии «Иннопром» бузургтарин майдони саноатӣ барои истеҳсолкунандагон буда, аз соли 2010 инҷониб ҳамасола баргузор мешавад ва дар он ҳазорон мутахассисони соҳаи рушди саноат ва технология, намояндагони ҷомеаи коршиносон ба ҳам меоянд. Мавзуи асосии намоишгоҳ дар соли 2022 «Гузариши саноатӣ: аз мушкилот ба имкониятҳои нав» мебошад.
АКС: АМИТ «Ховар
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
