ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Дар Созмони Милали Муттаҳид бинобар буҳрони озуқаворӣ гуруснагии оммавӣ дар ҷаҳонро пешгӯӣ карданд

Июль 20, 2022 12:33

ДУШАНБЕ, 20.07.2022 /АМИТ «Ховар»/. Директори Барномаи умумиҷаҳонии озуқавории Созмони Милали Муттаҳид Дэвид Бисли пешгӯӣ кардааст, ки инсоният ба гуруснагии оммавӣ, нооромии сиёсӣ, инчунин муҳоҷирати бенизом дар сурате дучор мешавад, ки агар барои рафъи буҳрони озуқаворие, ки ҳоло мавҷуд аст, тадбир  андешида нашавад, хабар медиҳад АМИТ «Ховар» бо истинод ба РИА Новости.

«Мо ҳамин замон бо буҳрони бесобиқа рӯбарӯ ҳастем ва агар мо бо он ба таври стратегӣ ва самаранок мубориза набарем, моро гуруснагии саросарӣ, бесуботӣ дар даҳҳо кишвар ва муҳоҷирати оммавӣ интизоранд”,- гуфт Бисли зимни мубоҳисае, ки дар доираи Шӯро оид ба корҳои байналмилалӣ баргузор шуд.

Ба гуфтаи ӯ, бинобар шиддат гирифтани ин мушкилӣ соли оянда аз имсол хеле бадтар хоҳад шуд. Ӯ чунин меҳисобад, ки мардуми манотиқи мухталифи ҷаҳон дар 12 моҳи оянда бо мушкили афзоиши қимати маводи ғизоӣ рӯбарӯ хоҳанд шуд.

Илова бар ин, Бисли ҳушдор дод, ки соли 2023 метавонад аз соли 2022 дар робита ба камбуди маҳсулот дар бозор “хеле бадтар” бошад. Вай ҳамчунин эҳтимоли боло рафтани қимати маводи ғизоӣ дар саросари ҷаҳонро дар 6-12 моҳи оянда рад накард. Агар ин мушкилӣ ҳал нашавад, пас ҷаҳонро норасоии маводи ғизоӣ интизор аст.

Раҳбари Барномаи умумиҷаҳонии озуқавории СММ Дэвид Бисли таъкид кард, ки нодида гирифтани ин мушкилот ҷаҳонро ба норасоии  озуқаворӣ дучор мекунад.

Тавре АМИТ «Ховар» хабар дода буд, қаблан Президенти Тоҷикистон Эмомалӣ Раҳмон ҳушдор дода буданд, ки соли 2022 “барои башарият аз ҳама ҷиҳат, аз ҷумла дар масъалаи таъмини амнияти озуқаворӣ соли душвортарин ва вазнинтарин” хоҳад буд. Сарвари Тоҷикистон дар ин бора 1 апрели соли равон зимни суханронии табрикии худ ба муносибати фарорасии моҳи Рамазон изҳори назар намуданд. Дар робита ба ин, Пешвои Тоҷикистон аз ҳамватанон даъват намуданд, ки бинобар таъсири ҷиддии авзои ҷаҳон ба вазъи иқтисодӣ ва иҷтимоии ҷумҳурӣ барои на кам аз ду сол маводи ғизоӣ захира кунанд.

«Мо бояд ҳар рӯзи мусоиди фасли баҳорро истифода барем, то маъракаи киштро сари вақт анҷом дода, ба ҳосили фаровон замина гузорем. Дар ёд дошта бошед, ки ҳар оила бояд барои ду сол маводи ғизоӣ захира намояд», — хулоса намуданд Президенти Тоҷикистон.

АКС аз манбаъҳои боз

Июль 20, 2022 12:33

Хабарҳои дигари ин бахш

РАВАНДИ ОБИ ДУШАНБЕ. Корҳои омодагӣ ҷиҳати баргузор намудани Конфронси сеюми байналмилалии сатҳи баланд оғоз гардиданд
ПАЙОМАДИ КАМБОРИШУ ХУШК ОМАДАНИ ТИРАМОҲУ ЗИМИСТОН. Он то 30-40 фоизи ҳосили зироати кишоварзиро талаф медиҳад
Эмомалӣ Раҳмон: «Таъкид месозам, ки ҳар оилаи мамлакат бояд ба муҳлати то ду сол захираи маводи зарурии ғизоӣ дошта бошад»
Эмомалӣ Раҳмон: «Сада моҳиятан тақвими чиллашуморӣ аст»
Бемасъулиятӣ ё қафомондагӣ? Сомонаи расмии Агентии авиатсияи граждании назди Ҳукумати Ҷумҳурии Тоҷикистон ба талаботи имрӯз ҷавобгӯ нест. Чаро?
Президенти Тоҷикистон: «Камборишу хушк омадани тирамоҳу зимистони имсола моро водор месозад, ки тамоми имкониятро самаранок истифода намоем»
ТОҶИКИСТОН ВА ҚАТАР. Андешаҳо доир ба афзалият ва дурнамои рушди ҳамкории дуҷониба
ДАР ПАРТАВИ ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛӢ. ТАРБИЯИ ҲУҚУҚӢ – МЕҲВАРИ МАЪРИФАТИ ҲУҚУҚИИ ҶАВОНОН ДАР ҶУМҲУРИИ ТОҶИКИСТОН. Мулоҳизаҳои Ректори Донишгоҳи миллии Тоҷикистон Эмомалӣ Насриддинзода
Президенти Тоҷикистон зимни мулоқот бо соҳибкорон ва сармоягузорони Қатар 8 бахши ояндадорро муаррифӣ намуданд
Эмомалӣ Раҳмон: «Мо барои шаҳрвандони Давлати Қатар низоми бераводиди яктарафаро ба муҳлати 30 рӯз ҷорӣ намудем»
МИЛЛАТИ МО ОТАШИ САДАРО АЗ НАВ ФУРӮЗОН НАМУД. Бо омадани ин ҷашни зебо роҳи мо то Наврӯзу Тиргон ва Меҳргони дигар нурборон мегардад
МАОРИФ ВА РАВАНДИ ГУСТАРИШИ МАЪРИФАТИ ҲУҚУҚӢ ДАР ҶУМҲУРИИ ТОҶИКИСТОН. Мулоҳиза ва бардоштҳои Эмомалӣ Насриддинзода дар ҳошияи Паёми Президенти Ҷумҳурии Тоҷикистон ба Маҷлиси Олӣ