Раиси ноҳияи Ашт бо мақсади шинос шудан бо шароити хизматию маишӣ аз қисми низомӣ боздид намуд
СУҒД, 26.07.2022 /АМИТ «Ховар»/. Раиси ноҳияи Ашт Шӯҳрат Муҳаммадзода ҳамроҳ бо роҳбарони мақомоти ҳифзи ҳуқуқ бо мақсади шинос шудан бо шароити хизматию маишӣ аз қисми низомии воқеъ дар ҳудуди ноҳия боздиди корӣ анҷом дод. Дар ин бора ба АМИТ «Ховар» дар Хадамоти матбуоти Раиси ноҳияи Ашт иттилоъ доданд.
Шӯҳрат Муҳаммадзода бо сарбозону ҳомиёни Ватан суҳбати озоду самимӣ анҷом дода, иброз дошт, ки «суботи миллӣ, истиқлолияти давлатӣ, оромиву ободӣ тавассути хизматҳои шабонарӯзии Пешвои миллат муҳтарам Эмомалӣ Раҳмон ба даст омадаанд ва имрӯз ҳар яки мо муваззафем онро чун гавҳараки чашм нигоҳ дорем. Имрӯз мардуми шарифи Тоҷикистон туфайли мардони шуҷои Ватан дар фазои ободу озод зиндагӣ доранд, ки маҳаки ин пешравиҳо тинҷиву оромист».
Мояи ифтихор аст, ки имрӯз дар шароити сулҳу субот ва осмони мусаффои мамлакат ҷавонони бо нангу номуси мо бо амри дил ва ҳисси ватандӯстӣ ихтиёран барои ба сафи Артиши миллӣ сафарбар гардидан омодагӣ мегиранд.
Шӯҳрат Муҳаммадзода ба падарону модарони хизматчиёни ҳарбӣ, барои тарбияи неки чунин мардони шуҷои Ватан миннатдорӣ баён намуд.
Бояд гуфт, ки имрӯзҳо бо дастгирии Асосгузори сулҳу ваҳдати миллӣ – Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон шароити хизмати ҳарбӣ дар мамлакат рӯз то рӯз беҳтар гардида истодааст. Ин аст, ки имрӯзҳо ҷавонони бо нангу номуси тоҷик бо амри дил ва ҳисси баланди ватандӯстона ихтиёран барои ба сафи Артиши миллӣ мепайванданд.
АКС: Хадамоти матбуоти Раиси ноҳияи Ашт
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
«МегаФон Life»: сармоягузориро мустақиман тариқи смартфон анҷом диҳед
Дар Донишгоҳи байналмилалии сайёҳӣ ва соҳибкорӣ масъалаи баланд бардоштани сифати корҳои илмӣ-тадқиқотӣ баррасӣ гардид
Имрӯз дар баъзе минтақаҳои Тоҷикистон борони кӯтоҳмуддат меборад
Донишҷӯи тоҷик дар чорабинии байналмилалии UNESCO × Nestlé Global Youth Grant Scheme иштирок менамояд
Имрӯз дар баъзе ноҳияҳои Тоҷикистон борони кӯтоҳмуддат меборад
