Шералӣ Кабир дар ҷаласаи вазирони саноати кишварҳои узви СҲШ ва ИДМ дар Тошканд иштирок дорад
ДУШАНБЕ, 15.07.2022 /АМИТ «Ховар»/. Рушди соҳаи саноат имрӯз, 15 июл дар ҷаласаи вазирони саноати кишварҳои узви Созмони ҳамкории Шанхай (СҲШ) ва Иттиҳоди Давлатҳои Мустақил (ИДМ) дар Тошканд баррасӣ мешавад, хабар медиҳад АМИТ «Ховар» бо истинод ба хадамоти матбуоти Вазорати корҳои хориҷии Узбекистон.
Ҳайати Тоҷикистон таҳти роҳбарии Вазири саноат ва технологияҳои нав Шералӣ Кабир дар ҷаласаи вазирони саноати кишварҳои узви СҲШ ва ҷаласаи VIII Шӯрои сиёсати саноатии ИДМ иштирок дорад.
Дар ҷаласаҳо ҳамчунин вазирони саноати Ҳиндустон, Покистон, муовинони вазирҳои марбутаи Қазоқистон, Русия, Чин, Беларус, Дабири кулли СҲШ Чжан Мин, муовини Раиси Кумитаи иҷроияи ИДМ Илҳомҷон Неъматов ва намояндагони доираҳои тиҷоратии Русияву Қазоқистон ширкат менамоянд.
Иштирокдорони ҷаласа масъалаҳои марбут ба таҳкими минбаъда ва тақвияти ҳамкорӣ дар доираи ин созмонҳои бисёрҷониба ба манфиати рушди саноат, таъмини рушди устувори истеҳсолоти саноатӣ дар заминаи ҳамкорӣ, татбиқи лоиҳаҳои муштараки сармоягузорӣ, ҷорӣ намудани технологияҳои нав, ҷалби захираҳои моддию молиявӣ, баланд бардоштани самаранокии меҳнат ва гуногун намудани маҳсулоти саноатиро баррасӣ менамоянд.
ДАР АКС: Вазири саноат ва технологияҳои нави Ҷумҳурии Тоҷикистон Шералӣ Кабир ва муовини Сарвазир — Вазири сармоягузорӣ ва савдои хориҷии Узбекистон С. Умурзоқов. Апрели 2022.
Интизор меравад, ки дар ҷаласа як қатор санадҳои муҳиме, ки ба рушди соҳаҳои кишварҳои СҲШ ва ИДМ нигаронида шудаанд, тасдиқ гарданд. Аз ҷумла, қарор аст, вазирони кишварҳои узви СҲШ тарҳи «Барномаи ҳавасмандгардонии ҳамкории саноатӣ миёни доираҳои тиҷоратии кишварҳои узви СҲШ»-ро қабул намоянд. Барномаи мазкур дар нимаи моҳи сентябр дар ҷаласаи сарони давлатҳои Созмон, ки дар Самарқанд доир мегардад, тасдиқ хоҳад шуд.
Ҳамзамон хабар дода мешавад, ки санади ба ин монанд дар ҷаласаи вазирони саноати кишварҳои узви ИДМ тасвиб хоҳад гардид.
Мавриди зикр аст, ки ҷаласаи қаблӣ 16 июли соли 2021 дар Душанбе баргузор шуда буд.
Марзия САИДЗОДА,
АМИТ «Ховар»
АКС: АМИТ «Ховар
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Сарбанди Деҳқонобод дар обёрии беш аз 40 ҳазор гектар заминҳои кишоварзии Ҳамадонӣ, Фархор ва Восеъ нақши муҳим дорад
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Сарвазири Тоҷикистон бо фаъолияти ҶДММ «Парки нассоҷии шаҳри Кӯлоб» шинос гардид
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
Таҳкими ҳамкорӣ байни Тоҷикистон ва Хазинаи байналмилалии асъор баррасӣ гардид
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
