Тоҷикистон ва Австрия аз сатҳи баланди ҳамкорӣ дар чорчӯби созмонҳои байналмилалӣ изҳори қаноатмандӣ карданд

Июль 1, 2022 10:46

ДУШАНБЕ, 01.07.2022 /АМИТ «Ховар»/. 30 июн мулоқоти муовини Вазири корҳои хориҷии Ҷумҳурии Тоҷикистон Фарҳод Салим бо Дабири кулли вазорати федералии корҳои аврупоӣ ва хориҷии Ҷумҳурии Австрия Питер Лански-Тиффентал баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Дар ҷараёни мулоқот ҷонибҳо оид ба мавзуъҳои муҳимми рӯзномаи муносибатҳои дуҷониба ва дурнамои тавсеаи робитаҳои мутақобилан судманд мубодилаи афкор намуда, ба густариши ҳамкорӣ дар соҳаҳои сиёсӣ, тиҷоратӣ, иқтисодӣ, гуманитарӣ ва амниятӣ таваҷҷуҳи хоса зоҳир карданд.

Ҷонибҳо аз сатҳи баланди ҳамкории Тоҷикистону Австрия дар чорчӯби созмонҳои байналмилалӣ, аз ҷумла саҳми ду кишвар дар татбиқи бандҳои муҳими рӯзномаи ҷаҳонӣ изҳори қаноатмандӣ карданд.

Тарафайн ҳамчунин омодагиро ҷиҳати идомаи тамосҳо ва машваратҳои муфид роҷеъ ба масъалаҳои мубрами ҳамкории Тоҷикистону Австрия дар сатҳҳои дуҷониба ва минтақавӣ иброз намуданд.

Тавре қаблан АМИТ «Ховар» хабар дода буд, 29 июн дар Академияи дипломатии Вена дар ҳошияи ройзаниҳои сиёсӣ миёни Ҷумҳурии Тоҷикистон ва Ҷумҳурии Австрия бахшида ба 30-юмин солгарди истиқрори робитаҳои дипломатӣ миёни ду кишвар мизи мудаввар баргузор гардид.

Роҳбари ҳайати Тоҷикистон, муовини Вазири корҳои хориҷии кишвар Фарҳод Салим ба ширкаткунандагон роҷеъ ба рушди сиёсӣ ва иҷтимоии Ҷумҳурии Тоҷикистон тайи давраи Истиқлоли давлатӣ, аҳаммияти иҷлосияи 16-уми Шӯрои Олии Тоҷикистон дар таҳкими пояҳои давлатдории кишвар, 25 соли Ваҳдати миллӣ маълумот дода, нақши боризи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар ин раванд таъкид намуд. Зимни суханронӣ инчунин масъалаҳои марбут ба равобити дуҷонибаи Тоҷикистону Австрия, ҳамкории ду кишвар дар чаҳорчӯби созмонҳои байналмилалӣ, инчунин ҳолати кунунӣ ва дурнамои сиёсати хориҷии Тоҷикистон матраҳ гардиданд.

Дар ҳамоиши мазкур намояндагони Вазорати корҳои аврупоӣ ва хориҷии Ҷумҳурии Австрия, Академияи дипломатии Вена, созмонҳои байналмилалии муқими шаҳри Вена, ҳайати дипломатии Вена ва ҳамватанони бурунмарзӣ ҳузур дошта, дар рафти суҳбат фаъолона иштирок намуданд.

Акс: ВКХ ҶТ

Июль 1, 2022 10:46

Хабарҳои дигари ин бахш

Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
Намояндаи доимии Тоҷикистон дар ҳамоиш бахшида ба ташаббуси СММ «Огоҳии бармаҳал барои ҳама» иштирок намуд
Шуруъ аз 3 феврал байни Тоҷикистон ва Эрон қоидаҳои нав дар низоми бераводид амалӣ мегарданд
Тақвияти ҳамкории бисёрҷонибаи Тоҷикистон бо Барномаи Созмони Милали Муттаҳид оид ба сукунат баррасӣ гардид
Шумораи аввали маҷаллаи «Сиёсати хориҷӣ»-и Вазорати корҳои хориҷии Ҷумҳурии Тоҷикистон ба нашр расид
Директори иҷроияи ЮНИСЕФ ба Тоҷикистон меояд
Сафири Тоҷикистон бо вазири молия, вазири давлатӣ оид ба умури иқтисодӣ ва сармоягузории Давлати Кувайт мулоқот намуд
Сафири Тоҷикистон бо Роҳбари Мақомоти миллии воситаҳои ахбори оммаи Амороти Муттаҳидаи Араб мулоқот намуд
Дар шаҳри Банфи Канада чорабинии сатҳи баланд оид ба Соли байналмилалии ҳифзи пиряхҳо доир гардид
Сафири навтаъйини Тоҷикистон дар Вазорати корҳои хориҷии Туркия нусхаи эътимоднома супорид
Дар Москва ҳамкории Тоҷикистон ва Русия дар соҳаи илму маориф баррасӣ гардид