«Тоҷикстандарт» дар сурати ихтиёран супоридани маҳсулоти пастсифат номи соҳибкоронро ифшо намекунад
ДУШАНБЕ, 25.07.2022. /АМИТ «Ховар»/. Агентии «Тоҷикстандарт» хабар дод, ки номи соҳибкоронеро, ки ба анборҳои ин агентӣ «ихтиёран» маҳсулоти пастсифату муҳлаташ гузаштаро месупоранд, ифшо намекунад.
Чунин иқдом, ба гуфтаи масъулин, барои ҷилавгирӣ аз тақаллуби истеъмолкунандагон ва фурӯши маҳсулоти пастсифат ва муҳлаташ гузашта дар бозорҳои кишвар мусоидат менамояд. «Тоҷикстандарт» хабар дод, ки чунин соҳибкорон барои ҳамкорӣ ва риояи ҳуқуқи истеъмолкунандагон ҳавасманд карда мешаванд.
Сардори нозироти савдои Агентии «Тоҷикстандарт» Парвиз Муҳибов 21 июл зимни нишасти матбуотӣ гуфт, бо ташаббуси онҳо як ширкати маъруфи ороишӣ ба анбори ин ниҳод садҳо адад маҳсулоти муҳлати истифодаашон гузашта ворид кардааст. «Худатон дидед, ки ин корхона 8854 адад маснуоти атрию ороишии пастсифат оварда, супурдааст. Тибқи тартиби муқарраршуда, онҳо рӯзҳои наздик дар партовгоҳи маишии шаҳри Душанбе бо ҳузури комиссия нобуд карда мешаванд», — афзуд ӯ.
Иттилоъ дода шуд, ки дар шаш моҳи соли равон тоҷирон ва соҳибкорон ихтиёран ба анборҳои Агентии «Тоҷикстандарт» 23 тонна маҳсулоти пастсифат ва муҳлаташон гузаштаро барои нобуд кардан супурдаанд.
Кормандони «Тоҷикстандарт» тайи шаш моҳ тоҷирону соҳибкоронеро, ки моли пастсифат ва муҳлаташ гузаштаро ба маблағи беш аз 620 ҳазор сомонӣ фурӯхтаанд, ҷарима бастаанд. Ҳамчунин иттилоъ дода шуд, ки зимни санҷиш ва мониторинги бозорҳо 1364 далели вайрон кардани қоидаҳои савдо, риоя накардани талаботи санадҳо ва ҳуҷҷатҳои техникӣ ошкор гардида, нисбат ба ин субъектҳо тадбирҳои маъмурӣ андешида шуданд.
Соҳибкорон иброз медоранд, ки риояи талаботи сифати молу маҳсулот дар бозор сабаби ҷалби бештари харидорон ва рақобатпазирии молу амволи онҳо мегардад.
Зарангези ЛАТИФ,
АМИТ «Ховар»
АКС аз бойгонии АМИТ «Ховар»
Тоҷикистон ва Русия вобаста ба ҳодисаи гаравгонгирӣ дар муассисаи ислоҳии шаҳри Суровикино тадбир меандешанд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар ноҳияи Хуросон бинои Хадамоти шиносномавӣ-бақайдгирӣ ба истифода дода шуд
Вохӯрии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон баргузор гардид
Прокуратураи генералӣ: «Аз шаҳрвандон хоҳиш карда мешавад, ки фирефтаи ҳар гуна таблиғоти беасос оид ба таъмини ҷойи кор дар хориҷи мамлакат нашаванд»
Намояндагони Тоҷикистон ва UNHCR масъалаи ҳолатҳои фавқулодаро баррасӣ намуданд
АМАЛИЁТИ «КОРД». Милитсияи Хатлон 768 силоҳи сард дарёфт ва мусодира намуд
Дар даъвати тирамоҳӣ дар шаҳри Ваҳдат 260 ҷавон ба таври ихтиёрӣ ба сафи Артиши миллӣ ҳамроҳ мешавад
Вазири корҳои дохилии Тоҷикистон дар ҷаласаи Шурои вазирони корҳои дохилии давлатҳои ИДМ дар Минск иштирок намуд
НИШАСТИ МАТБУОТӢ. Бо дахолати прокуророн 142 миллион сомонӣ қарзи музди меҳнат пардохт шуд
Вазорати корҳои дохилӣ: «Дар сурати ихтиёран даст кашидани шаҳрвандон аз иштирок дар фаъолияти гурӯҳҳои экстремистиву террористӣ онҳо аз ҷавобгарии ҷиноятӣ озод карда мешаванд»
НИШАСТИ МАТБУОТӢ. Дар Вазорати адлияи Тоҷикистон омилҳои асосии барҳамхӯрии иттиҳодияҳои ҷамъиятӣ шарҳ дода шуд
