АРТИШИ МАРДУМИИ ОЗОДИХОҲИ ЧИН 95-СОЛА ШУД. Имрӯз ҶМЧ солгарди таъсиси қувваҳои мусаллаҳашро таҷлил менамояд

Август 1, 2022 15:17

ДУШАНБЕ, 01.08.2022 /АМИТ «Ховар»/. Имрӯз, 1 август, Чин солгарди 95-уми таъсиси Артиши мардумии озодихоҳро таҷлил менамояд. Ба ифтихори ин рӯйдод дар майдони Тянанмени Пекин маросими тантанавии барафрохтани парчами давлатии Ҷумҳурии Мардумии Чин баргузор шуд.

Дар арафаи ин сана, 28 июл Котиби генералии Кумитаи Марказии Ҳизби коммунистии Чин (ҲКЧ) Си Ҷинпин, ки ҷаласаи 41-уми омӯзиши дастҷамъии Бюрои сиёсии Кумитаи Марказии Ҳизби коммунистиро раисӣ мекард, муҳимияти татбиқи минбаъдаи стратегияи таҳкими қувваҳои мусаллаҳро тавассути омода намудани кадрҳои баландихтисос дар замони нав таъкид намуд, хабар медиҳад АМИТ «Ховар» бо истинод ба агентии «Синхуа».

Си Ҷинпин таъкид кард, ки стратегияи кадрҳо барои ноил шудан ба ҳадафи ҳизб оид ба таҳкими қувваҳои мусаллаҳ дар замони нав ва ба артиши сатҳи ҷаҳонӣ табдил додани Артиши мардумии озодихоҳ аҳамияти калон дорад.

Бино ба гуфтаи ӯ, аз замони баргузории Анҷумани 18-уми умумичинии Ҳизби коммунистӣ, ки соли 2012 доир шуд, дар тарбияи кадрҳои баландихтисоси низомӣ пешрафти таърихӣ ба даст омад.

Ҳамзамон Си Ҷинпин даъват кард, ки барои истифодаи беҳтари нақши истеъдодҳо дар роҳбарӣ ва пуштибонӣ аз ҳадафҳои бунёди артиши қавӣ талошҳо ба харҷ дода шаванд.

Ӯ бо ишора ба ворид шудан ба давраи нави таҳаввулот ва тағйироти куллӣ гуфт, ки Чин бо бесуботӣ ва номуайянии афзоянда дар арсаи амнияти миллӣ рӯбарӯ мешавад.
Ба ин муносибат Раиси ҶМЧ зикр кард, ки вазифаи асосии қувваҳои мусаллаҳи кишвар дар панҷ соли оянда расидан ба ҳадафҳои гузошташуда то 100-солагии таъсиси Артиши мардумии озодихоҳ мебошад.

Си Ҷинпин ба он таваҷҷуҳ кард, ки кор оид ба тарбияи истеъдодҳои ҳарбӣ бояд ҳамаҷониба пурзӯр карда шавад.

Ӯ зарурати ба роҳ мондани роҳбарии мутлақи ҳизбиро бар қувваҳои мусаллаҳ дар тамоми ҷабҳаҳо ва дар ҳама равандҳои тарбияи истеъдодҳо, инчунин дар баланд бардоштани сатҳи бо кадрҳои баландихтисос таъмин намудани тайёрии ҷангӣ таъкид намуд.

Си Ҷинпин инчунин даъват ба амал овард, ки барои ҳалли мушкилоти калидӣ дар кори марбут ба истеъдодҳо тавассути ислоҳот ва навоварӣ дар ҳама ҷабҳаҳо талошҳо ба харҷ дода шаванд.

Илова бар ин, бино ба гуфтаи ӯ, робита ва ҳамкории бахшҳои низомӣ ва ғайринизомӣ бояд барои ҳамгироии минбаъдаи кори омода кардани кадрҳои баландихтисоси низомӣ дар раванди бунёди миллати тавоно бо истеъдодҳояш тақвият дода шавад.

АКС аз манобеи боз

Август 1, 2022 15:17

Хабарҳои дигари ин бахш

ДАЪВАТИ ТИРАМОҲӢ. Аввалин гурӯҳи ҷавонони шаҳри Панҷакент ба хизмати Ватан раҳсипор шуданд
ДАЪВАТИ ТИРАМОҲӢ. 60 нафар ҷавонони Файзобод ба сафи муҳофизони Артиши миллӣ пайвастанд
Теъдоди осебдидагон дар заминларзаи Эрон аз 500 нафар гузашт
ДАЪВАТИ ТИРАМОҲӢ. Латиф Холиқов, падари наваскар: «Ифтихор мекунам, ки фарзандонам ба сафи муҳофизони Ватан пайвастаанд»
ИМРӮЗ- РӮЗИ ТАЪСИСИ ВОҲИДҲОИ ОПЕРАТИВӢ. 90% ҷиноятҳо аз ҷониби кормандони сохтори фаврӣ ошкор карда мешаванд
СММ дар бораи кушта шудани беш аз 40 нафар дар таркиши Кобул хабар дод
ДАЪВАТИ ТИРАМОҲӢ. Дар Истаравшан ба 10 нафар наваскарони фаъол дар вазъияти тантанавӣ шаҳодатномаҳои ронандагӣ супорида шуданд
ДАЪВАТИ ТИРАМОҲӢ. Ҷавонони Шаҳринав бо дуои неки модарон ба сафи Артиши миллӣ сафарбар шуданд
ДАЪВАТИ ТИРАМОҲӢ. Шаҳру ноҳияҳои Данғара, Вахш, Фархор ва Норак аввалин шуда, ин маъракаи сиёсиро ба анҷом расониданд
ДАЪВАТИ ТИРАМОҲӢ. 100 нафар ҷавонони шарафманди ноҳияи Ашт ба сафи Қувваҳои мусаллаҳи Тоҷикистон шомил шуданд
ДАЪВАТИ ТИРАМОҲӢ. Дар Ҳисор маросими гусели наваскарон ба сафи Артиши миллӣ бошукӯҳ таҷлил гардид
ДАЪВАТИ ТИРАМОҲӢ. Наваскарони шаҳри Кӯлобро бо иҷрои маросими мардумии «Нонгазон» ба хизмати содиқона гусел намуданд

Хабарҳои муҳимтарин