«Барқи тоҷик» дар шашмоҳаи якум беш аз 7 млрд кВт-соат неруи барқ истеҳсол намуд

Август 1, 2022 18:00

ДУШАНБЕ, 01.08.2022 /АМИТ «Ховар»/. Ширкати саҳомии холдингии кушодаи «Барқи тоҷик» дар шашмоҳаи якуми соли равон дар маҷмӯъ 7 млрд 659,3 млн кВт-соат неруи барқ истеҳсол намуд, ки нисбат ба ҳамин давраи соли гузашта 71 млн кВт-соат зиёд буда, суръати афзоиш дар сатҳи 101% таъмин карда шудааст.

Бо натиҷагирӣ аз дастовардҳои бахши энергетикии мамлакат Раиси ШСХК «Барқи тоҷик» Маҳмадумар Асозода имрӯз зимни нишасти матбуотӣ ба доираи васеи рӯзноманигорон доир ба дастовардҳои назарраси соҳа иттилоъ дод.

Маҳмадумар Асозода иброз намуд, ки «ҳаҷми содироти неруи барқ ба хориҷи ҷумҳурӣ дар 6 моҳи соли равон нисбат ба ҳамин давраи соли 2021 дар ҳаҷми 141,6 млн кВт-соат зиёд гардида, дар маҷмӯъ ба 1 млрд 56,5 млн кВт-соат баробар шуд. Неруи барқ асосан ба Афғонистон ва Ҷумҳурии Узбекистон содирот шуда, дар давраи ҳисоботӣ Ширкати «Барқи Тоҷик» дар умум ба миқдори 10 млрд 135,6 млн кВт-соат неруи барқ интиқол додааст, ки аз он ба ҶСК «Шабакаҳои интиқоли барқ» 358,8 млн кВт. соат, ба ҶСК «Шабакаҳои тақсимоти барқ» – 8,7 млрд кВт-соат ва ба хориҷи ҷумҳурӣ (содирот) – 1 млрд 56 млн. кВт. Соат рост меояд».

Зикр гардид, ки бо дастгирии бевоситаи Ҳукумати Ҷумҳурии Тоҷикистон, бо мақсади ноил гардидан ба иҷрои ҳадафҳои стратегии кишвар, аз ҷумла таъмини истиқлолияти энергетикӣ, баланд намудани эътимоднокии фаъолияти иншооти истеҳсолкунандаи барқу гармӣ бо ҷалби сармояи шарикони рушд дар айни замон якчанд лоиҳаҳо дар соҳаи электроэнергетика мавриди татбиқ қарор дода шудаанд.

Шаҳлои САДРИДДИН,
АМИТ «Ховар»

АКС: АМИТ «Ховар»

Август 1, 2022 18:00

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад