Дар Русия барои муҳоҷирон навовариҳои васеъмиқёс ҷорӣ менамоянд

Август 30, 2022 11:16

ДУШАНБЕ, 30.08.2022 /АМИТ «Ховар»/. Президенти Русия Владимир Путин иқдоми ташкили марказҳои мутобиқшавӣ барои муҳоҷирон дар Федератсияи Русияро дастгирӣ намуд. Дар ин бора сарвари давлат дирӯз, 29 август зимни мулоқот бо раиси Агентии федеролӣ оид ба кор бо миллатҳо Игор Баринов изҳор намуд, хабар медиҳад АМИТ «Ховар» бо истинод ба ТАСС.

Зимни суҳбат бо Путин Баринов дар бораи нақшаи таъсиси чанд маркази мутобиқшавӣ барои шаҳрвандони дигар давлатҳо дар якчанд минтақаи Русия сухан гуфт.

«Мардум бояд бифаҳманд: агар онҳо ба Русия меоянд, бояд урфу одатҳои моро эҳтиром кунанд, қонунҳои Русияро донанд ва риоя намоянд», — таъкид кард президент.

Ба ғайр аз ин, сарвари давлат даъват кард, ки ба ҷудокунии иҷтимоии муҳоҷирон аз ҷумҳуриҳое, ки меоянд, роҳ надиҳанд.

Баринов дар навбати худ зикр кард, ки мутахассисон аллакай ба таҳияи маҷмӯи тадбирҳо оид ба ин мавзӯъ шурӯъ кардаанд. Онҳо имкон медиҳанд аз ҷудокунии маконӣ ва иҷтимоии шаҳрвандони хориҷӣ худдорӣ карда шавад.

Ба андешаи сарвари Русия, ба ин кор бояд созмонҳои ҷамъиятӣ ва динӣ ҷалб карда шаванд.

«Бояд ҳанӯз аз ватани муҳоҷирони эҳтимолӣ оғоз кард»,-тавзеҳ дод Путин. Вай гуфт, ки «бо ин ақида ҳамкорони мо розӣ ва омодаи иштироканд».

Сарвари давлат зарурати нишон додани фаъолнокии бештарро дар ҳалли ин масъала таъкид намуд.

«Касе муқобил нест, касе эътироз намекунад. Баръакс, дар Узбекистон, дар Тоҷикистон, дар Қирғизистон — марҳамат, онҳо ҳама ин корро бо қаноатмандӣ мекунанд. Мо танҳо бояд дар он ҷо фаъолтар бошем, онҳо ҳатто ба ин ҳавасманданд»,- гуфт Путин.

Вай афзуд, ки дар ватани муҳоҷирон низ зарурати мутобиқ кардани шаҳрвандонашонро ба зиндагии кишвари дигар дарк мекунанд. Онҳо бояд фарҳанги маҳаллӣ, забон ва қонунгузориро донанд.

Акс: KP.RU

Август 30, 2022 11:16

Хабарҳои дигари ин бахш

ОГОҲӢ! Аз 16 то 19 август дар баъзе минтақаҳои Тоҷикистон ҳавои номусоид дар назар аст
ТАҒЙИРЁБИИ ИҚЛИМ. Роҳ ба сӯи ояндаи сабз амнияти экологиро таъмин менамояд
Имрӯз дар Душанбе Форуми ҷавонони Тоҷикистон ва Қазоқистон оғоз шуд
Агентии суғуртаи иҷтимоӣ ва нафақаи Тоҷикистон: «76 ҳазор соҳибкор аз нафақаи суғуртавӣ маҳрум мегардад»
Имрӯз дар шаҳри Душанбе Форуми ҷавонони Тоҷикистон ва Қазоқистон баргузор мегардад
Пагоҳ дар шаҳри Душанбе Форуми ҷавонони Тоҷикистон ва Қазоқистон баргузор мегардад
Дар Душанбе ба хотири ҷоизадорони Бозиҳои олимпии Париж-2024 барномаи бошукуҳи фарҳангӣ доир мегардад
Дар ноҳияи Абдураҳмони Ҷомӣ барои таҳким бахшидани ҳамкории милитсия бо ҷомеа вохӯрӣ доир гардид
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд 30 майдончаи варзишӣ ба истифода дода мешавад
Барои 22 оилаи аз офати табиӣ зарардидаи ноҳияи Нуробод хонаи истиқоматӣ месозанд
Дар деҳаи Дашти ноҳияи Ишкошим бунёди хонаҳо барои зарардидагон оғоз ёфт
Кумитаи рушди сайёҳӣ бахшида ба Рӯзи умумиҷаҳонии сайёҳӣ озмун эълон менамояд