Дар вилояти Хатлон масъалаи баланд бардоштани сатҳи таълиму тарбия баррасӣ гардид
ДУШАНБЕ, 19.08.2022 /АМИТ «Ховар»/. Имрӯз дар толори Қасри фарҳанг ва иттилооти шаҳри Бохтар машварати августии кормандони соҳаи маорифи вилоят доир шуд, ки дар он масъалаи баланд бардоштани сатҳи таълиму тарбия баррасӣ гардид, хабар доданд дар шуъбаи иттилоотӣ ва таҳлилии дастгоҳи Раиси вилояти Хатлон.
Дар кори он Раиси вилояти Хатлон Қурбон Ҳакимзода, Вазири маориф ва илми Ҷумҳурии Тоҷикистон Раҳим Саидзода, муовинони соҳавии раиси вилоят, раисони шаҳру ноҳияҳои вилоят, масъулини соҳаи маорифи вилоят ва дигар шахсони масъул ширкат варзиданд.
Раиси вилояти Хатлон Қурбон Ҳакимзода иброз дошт, ки Ҳукумати Ҷумҳурии Тоҷикистон, алалхусус, роҳбарияти олии кишвар соҳаи маорифро яке аз самтҳои афзалиятноки сиёсати иҷтимоӣ эълон дошта, нисбат ба рушд ва пешрафти ин соҳаи ҳаётан муҳими ҷомеа, вобаста ба нишондиҳандаҳои рушди неруи инсонӣ, ки аз се самти асосӣ: дастрасӣ ба таҳсилот, тандурустиву дарозумрӣ ва сатҳи шоистаи зиндагӣ иборатанд, пайваста таваҷҷуҳу ғамхорӣ зоҳир менамояд.
«Бо истифода аз имконияти мавҷуда барои вусъат бахшидани амалигардонии барномаҳои давлатии марбут ба соҳаи маориф, пуррагардонии эҳтиёҷоти кадрӣ дар соҳа, баланд бардоштани сатҳу сифати таълиму тарбияи хонандагон, мустаҳкам кардани заминаҳои моддӣ-техникии муассисаҳои таълимӣ дар ҳама намуди зинаҳои таҳсилот, амалигардонии имтиёзҳои муқарраршудаи омӯзгорони ҷавон, дастгирию ҳавасмандсозии омӯзгорони варзидаю эҷодкор ва хонандагони аълохон корҳои муайян ба анҷом расонида истодааст, ки натиҷаҳои дилхоҳ ба бор меоранд», -гуфт Раиси вилояти Хатлон.
Бояд гуфт, ки соли 2022 бо мақсади рушд ва такмили соҳаи маориф бунёди 130 иншооти таълимӣ пешбинӣ шуда буд, ки 58 адади он то оғози соли нави таҳсили 2022-2023 ба истифода дода мешавад.
АКС: шуъбаи иттилоотӣ ва таҳлилии дастгоҳи Раиси вилояти Хатлон
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
Хонандагони муассисаҳои таълимии Хатлон дар олимпиадаҳои фаннӣ ва байналмилалӣ 987 медал ба даст оварданд
Байни институтҳои илмӣ-таҳқиқотии Тоҷикистон ва Чин шартномаи ҳамкорӣ ба имзо расид
