Дастаҳои мунтахаби наврасони Тоҷикистон ва Ҷопон дар Тошканд рақобат карданд

Август 24, 2022 08:34

ДУШАНБЕ, 24.08.2022 /АМИТ «Ховар»/. Дастаи мунтахаби наврасони то 16-солаи Тоҷикистон оид ба футбол дар бозии якуми мусобиқаи байналмилалӣ ба хотираи собиқ президенти Ассотсиатсияи футболи Узбекистон Мираброр Усмонов аз дастаи мунтахаби наврасони Ҷопон мағлуб гардид. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.

Бозӣ шоми дирӯз дар майдони Академияи «Бунёдкор»-и шаҳри Тошканд баргузор шуда, бо ҳисоби 2:0 ба фоидаи дастаи мунтахаби наврасони то 16-солаи Ҷопон анҷом ёфт. Голҳоро аз ҳайати ғолибон Шунго Сугиура ва Шота Кофие ба нишон расониданд.

Дар бозии дигари даври аввали мусобиқа ба поси хотири Мираброр Усмонов дастаҳои мунтахаби наврасони то 16-солаи Узбекистон ва Эрон бозияшонро бо ҳисоби мусовии 1:1 анҷом доданд.

Ёдовар мешавем, ки 25 август дастаи мунтахаби наврасони Тоҷикистон бо ҳамсолони худ аз Эрон бозӣ мекунад. Ин вохӯрӣ дар варзишгоҳи «Қибрай», соати 16:00 оғоз мегардад.

Мусобиқаи гиромидошти хотираи Мираброр Усмонов миёни дастаҳои мунтахаби  наврасони то 16-сола

Даври 1

 Тоҷикистон  (U-16) – Ҷопон (U-16) – 0:2

Голҳо: Шунго Сугиура, 59 (0:1). Шота Кофие, 88 (0:2).

23 август. Тошканд. Майдони Академияи «Бунёдкор».

 Узбекистон (U-16) –  Эрон (U-16) – 1:1

Тақвими бозиҳои боқимонда:

Даври 2

25 август (панҷшанбе)

16:00 –  Эрон (U-16) –   Тоҷикистон (U-16). Варзишгоҳи «Қибрай»

17:00 –  Ҷопон (U-16) – Узбекистон (U-16). Варзишгоҳи «Пахтакор»

Даври 3

27 август (шанбе)

15:30 – Ҷопон (U-16) – Эрон (U-16). Варзишгоҳи «Ҷар»

17:00 –  Узбекистон (U-16) –  Тоҷикистон  (U-16).

АКС: Федератсияи футболи Тоҷикистон

Август 24, 2022 08:34

Хабарҳои дигари ин бахш

Дастаи мунтахаби наврасони то 16-солаи Тоҷикистон оид ба футбол бо дастаи Озарбойҷон нахустин бозӣ доир менамоянд
Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад