«РОҒУН- АРСАИ МАРДОНАГӢ». Таҳти чунин унвон барои журналистон ва публитсистон озмуни эҷодӣ доир мешавад

Август 21, 2022 09:03

ДУШАНБЕ, 21.08.2022. /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон  ва Солҳои рушди саноат  эълони гардидани солҳои 2022-2026 Иттифоқи журналистони Тоҷикистон  барои журналистон ва публитсистон таҳти унвони  «Роғун — арсаи мардонагӣ» озмуни эҷодӣ эълон менамояд, иттилоъ доданд ба АМИТ «Ховар» дар Иттифоқи журналистони Тоҷикистон.

Озмуни мазкур аз 1 январ то 31 октябр  давоми  солҳои 2022-2026  гузаронида мешавад. Ба озмун маводе, ки аз 2 январ то 31 октябр дар воситаҳои ахбори оммаи чопӣ, сомонаҳои хабарӣ табъу нашр гардидаанд ва дар телевизиону радио пахш шудаанд, пешниҳод мешаванд.

Озмуни мазкур бо мақсади таблиғу ташвиқи ҳамаҷонибаи саҳми Президенти Ҷумҳурии Тоҷикистон дар мавриди ба истифода додани ду агрегати аввалини неругоҳи “Роғун” ва идомаи сохтмони ин иншооти бузурги аср, тарғиби дастовардҳои Ҷумҳурии Тоҷикистон ҳамчун кишвари дорои захираҳои бузурги гидроэнергетикӣ ва истеҳсолкунандаи «энергияи сабз», эҷоди асарҳои баландмазмуни публитсистӣ ва журналистӣ дар бораи қаҳрамонони заҳмати созандаву ватандӯстона, яъне бунёдкорони иншооти бузурги аср – неругоҳи “Роғун”, расидан ба истиқлолияти пурраи энергетикии кишвар  ва инкишофи инфрасохтори муосири саноатии ҷумҳурӣ, татбиқи ҳадафи чоруми Ҳукумати Ҷумҳурии Тоҷикистон- саноатикунонии миллӣ   доир мегардад.

Озмун аз рӯи номинаҳои зерин гузаронида мешавад:

—  мақола дар нашрияҳои чопӣ – 1 ҷойи якум – 8000 сомонӣ, 2 ҷойи дуюм – 5000 сомонӣ ва 2 ҷойи сеюм- 2500 сомонӣ

—  мавод дар  шабакаҳои иҷтимоӣ ва сомонаҳои иттилоотӣ  – 1 ҷойи якум- 15000 сомонӣ, 2 ҷойи дуюм- 10000 сомонӣ ва 2 ҷойи сеюм – 7000 сомонӣ

—  маводи телевизионӣ — 1 ҷойи якум – 20000 сомонӣ, 2 ҷойи дуюм- 15000 сомонӣ ва 2 ҷойи сеюм – 10000 сомонӣ

— маводи радиоӣ – 1 ҷойи якум- 10000 сомонӣ, 2 ҷойи дуюм- 5000 сомонӣ ва 2 ҷойи сеюм- 3000 сомонӣ

­Маводи ба озмун пешниҳодшаванда бояд дар сатҳи баланди касбӣ омода шуда, ба муҳтавои озмун ҷавобгӯ бошанд ва набзи сохтмони Неругоҳи барқи обии «Роғун» ва заҳмати коргарону мутахассисони тоҷикро ҳаматарафа инъикос намоянд.  Мавод дар дилхоҳ жанри журналистӣ бо забонҳои тоҷикӣ ва русӣ пешниҳод шуда метавонад.

Довталабон метавонанд маводи худро ба нишонии шаҳри Душанбе, кўчаи С. Шерозӣ, 16, ошёнаи якум ирсол намоянд. Муҳлати охири пешниҳоди мавод  1 ноябр.

Иштирокчиёни озмун шахсони ҳуқуқӣ (идораҳои рўзномаву маҷаллаҳо, телевизион ва радио, агентиҳои иттилоотӣ, иттиҳодияҳои эҷодӣ ва ғ.)  ва воқеӣ (рўзноманигорон, муаллифони шабакаҳои иҷтимоӣ буда метавонанд.

Барои маълумоти иловагӣ метавонед бо рақамҳои 919 32 34 02, 98 999  71 50  ва 00000 44 33 муроҷиат кунед.

 АКС: АМИТ «Ховар»/Иттифоқи журналистони Тоҷикистон

Август 21, 2022 09:03

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд