«Somon Air» минбаъд дар масири Душанбе-Мюнхен-Душанбе дар як ҳафта ду парвоз анҷом медиҳад
ДУШАНБЕ, 02.08.2022 /АМИТ «Ховар»/. Ширкати ҳавопаймоии «Сомон Эйр» минбаъд парвозҳоро дар масири Душанбе-Мюнхен-Душанбе бо зичии ду парвоз дар як ҳафта амалӣ менамояд. Дар ин бора ба АМИТ «Ховар» аз Агентии авиатсияи граждании назди Ҳукумати Ҷумҳурии Тоҷикистон иттилоъ доданд.
Ҷадвали парвозҳои мунтазами ширкати ҳавопаймоии «Сомон Эйр» дар ин масир тасдиқ гардидааст.
Мавриди зикр аст, ки Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Федеративии Олмон оид ба алоқаи ҳавоӣ 27 марти соли 2003 ба имзо расидааст, ки дар асоси он ширкатҳои ҳавопаймоии ҳарду кишвар парвозҳои ҳавоиро дар масири Душанбе-Мюнхен-Душанбе анҷом медиҳанд.
Инчунин ширкати ҳавопаймоии «Сомон Эйр» тасмим гирифтааст, ки парвозҳои мустақими худро бо харидории ду адад ҳавопаймои тамғаи Боинг 737-800 ба дигар самтҳои кишварҳои хориҷи дуру наздик афзоиш диҳад.
Ҳамзамон ширкати ҳавопаймоии «Сомон Эйр» аз 3 август иҷрои парвозҳоро дар масири Хуҷанд – Новосибирск – Хуҷанд ва аз 4 август дар хатсайрҳои Душанбе – Қазон – Душанбе ва Душанбе – Москва (Жуковский) – Душанбе роҳандозӣ менамояд.
АКС: АМИТ «Ховар»
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
Бахшида ба 35-солагии Истиқлоли давлатӣ дар Кумитаи ҳифзи муҳити зист ҷамъомади тантанавӣ баргузор шуд
Тоҷикистон ва Кувайт ҳамкории байнибонкиро тақвият медиҳанд
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
