ҲАМЛАИ ТАҶОВУЗКОРОНАИ ҚИРҒИЗИСТОН. Муовини Раиси ноҳияи Мурғоб Абдулқаюм Мурзамат мегӯяд «бо паҳн кардани маълумоти бардурӯғ дар шабакаҳои иҷтимоӣ душманони ду миллат мехоҳанд вазъро нооромтар созанд»
ДУШАНБЕ, 22.09.2022 /АМИТ «Ховар»/. Мо шоҳиди онем, ки то омодани роҳбарияти имрӯзаи Қирғизистон баҳсҳое, ки дар сарҳад ба амал меомаданд, бо роҳи сулҳ ҳал мешуданд. Масъалаи баҳси сарҳадӣ миёни Ҷумҳурии Тоҷикистон ва Қирғизистон, ки ба талафоти ҷонии ду тараф овард, вақтҳои охир доғи рӯз гашта, маълумоти бардурӯғ дар шабакаҳои иҷтимоӣ нигаронкунанда аст: душманони ду миллат мехоҳанд вазъи ба вуҷудомадаро боз ҳам нооромтар созанд,- чунин ибрози назар намуд муовини Раиси ноҳияи Мурғоби ВМКБ Абдулқаюм Мурзамат ба АМИТ «Ховар».
«Мо, сокинони ноҳияи Мурғоб ба оилаи ҳалокшудагон ҳамдардӣ баён намуда, умед дорем, ки ин масъала дар доираи ақли солим ва ҳамдигарфаҳмӣ ҳалли худро меёбад ва ду миллат минбаъд низ бо ҳам дӯсту бародарона умр ба сар мебаранд. Вазъи ҷаҳони имрӯза моро водор месозад, ки тамоми ақлу заковат, кӯшишу ғайрат, фаъолияти самаранокамонро ба таъмини боэътимоди сулҳу субот ва амнияти кишварамон равона созем»,- зикр дошт Абдуқаюм Мурзамат, ки худ қирғизтабор аст.
Сокинони ноҳияи Мурғоби Вилояти Мухтори Кӯҳистони Бадахшони Ҷумҳурии Тоҷикистон аз давраҳои қадим дар якҷоягӣ бо тоҷикон дар фазои дӯстиву бародарӣ, ҳамдигарфаҳмӣ, ҳурмату эҳтироми анъанаҳои миллии ҳамдигар зиндагӣ доранд.
Муовини Раиси ноҳияи Мурғоб Абдулқаюм Мурзамат гуфт, ки «мо мехоҳем дӯстии мо поянда бошад, то ба дигарон дарси ибрат шавад. Ба хотири ҳамсоягии таърихии мо, фароҳам овардани зиндагии ором барои наслҳои ояндаи ҳарду миллат ва канда нашудани риштаи дӯстию бародарии ин ду миллати ҳамсоя боварӣ дорем, ки кулли масъалаҳо ба тариқи сулҳу субот ҳалли худро меёбанд».
АКС: МИҲД Мурғоб
ВАТАНРО МИСЛИ СПИТАМЕН, ТЕМУРМАЛИКУ ВОСЕЪ БОЯД ДӮСТ ДОШТ. Ҷавонон бояд бо сари баланд ба хизмати ҳарбӣ раванд!
РАВАНДИ ОБИ ДУШАНБЕ. Тоҷикистон дар меҳвари ташаббусҳои бузурги байналмилалӣ дар соҳаи об
РАВАНДИ ОБИ ДУШАНБЕ. Нақши Тоҷикистон дар баргузории Конфронси оби СММ-2023 — таассуроти роҳбарони ҳайатҳои давлатҳои хориҷӣ
Фарҳод Раҳимӣ: «Дар тўли сад соли охир дар ҳудуди Тоҷикистон заминларзаҳои сахти шиддаташон зиёда аз 7,5 бал рух надодааст ва эҳтимоли ба амал омаданашон низ кам аст»
Имрӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд
23 МАРТ — РӮЗИ УМУМИҶАҲОНИИ ОБУҲАВОШИНОСӢ. Ҳар се соат ба Хадамоти ҷаҳонии ҳавошиносӣ доир ба вазъи об ва боду ҳавои Тоҷикистон маълумот пешниҳод мегардад
«ҲАФТ СИН». Ин анъанаи неки Наврӯз рамзи фаровонҳосилӣ, файзу баракат ва фардои дурахшон ҳисобида мешавад
22 МАРТ-РӮЗИ УМУМИҶАҲОНИИ ОБ. Тоҷикистон сарзамини саршор аз об ва ташаббусҳои глобалист
ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
НАВРӮЗ, МОДАРИ ТОҶИК ВА СИМОИ МИЛЛӢ. Дар ин баҳори хуҷастапай на фақат табиат, балки ҳунар низ гул кардааст
НАВРӮЗ — ҶАШНИ СУЛҲУ ВАҲДАТ. Одамони сайёра ба ин оини воқеан ва моҳиятан фарҳангию инсонпарварона эҳтиром доранд
Наврӯз дар боғҳои фарҳангӣ-фароғатии Тоҷикистон бо шукуҳу шаҳомати хосса таҷлил карда мешавад
