Дар Ҷамоати деҳоти Саразми Панҷакент корҳои ободонӣ ва сохтмони бинои нави муассисаи таълимӣ ҷараён доранд

Сентябрь 14, 2022 09:45

ДУШАНБЕ, 14.09.2022 /АМИТ «Ховар»/.  Дар Ҷамоати деҳоти Саразм бунёди бинои нави муассисаи таълимии деҳаи Бостондеҳ вусъат мегирад, ки раиси шаҳри Панҷакент Абдухолиқ Холиқзода зимни сафари корӣ бо ҷараёни корҳои сохтмонии он шинос гардид, хабар медиҳад АМИТ «Ховар» бо истинод ба мақомоти иҷроияи ҳокимияти давлатии ин шаҳр.

Бинои мазкур бо иқдому ташаббуси сокинони деҳа, дастгирии мақомоти иҷроияи ҳокимияти давлатии шаҳр бунёд шуда, ҳоло дар он корҳои охирини ороишӣ идома доранд.

Абдухолиқ Холиқзода ба ташаббускорони бунёди таълимгоҳ изҳори сипос намуда, ба роҳбарияти шуъбаи маорифи шаҳр ва Ҷамоати деҳоти Саразм дастур дод, ки ҳамаи корҳои омодагиро барои қабули хонандагон дар бинои нави таълимгоҳ дар муҳлати кӯтоҳ анҷом диҳанд.

Раиси шаҳри  Панҷакент бо ҷараёни сохтмони 4 синфхонаи иловагӣ дар назди муассисаи таҳсилоти миёнаи умумии № 43 дар деҳаи Камар ва 12 синфхонаи иловагӣ дар назди мактаби деҳаи Абдусамад, ки таҳкурсиаш гузошта шудааст, шинос гардид.

Ба сарварони муассисаҳои таълимии ҳудуди ҷамоати деҳот ва роҳбарияти шуъбаи маорифи шаҳр супориш дода шуд, ки сӯзишвориро дар муассисаҳо мувофиқ ба меъёр захира карда, онҳоро ба фасли зимистон хуб омодагӣ бинанд.

Ҳамзамон Абдухолиқ Холиқзода дар Ҷамоати деҳоти Саразм аз заминҳои доманфарох, ки яке аз  калонтарин минтақаҳои кишоварзии Панҷакент маҳсуб мешавад, боздид намуда, ба масъалаҳои истифодаи босамари ҳар қитъа замин, зиёд намудани боздеҳи он, истеҳсоли маҳсулоти кишоварзӣ, рушди боғу токпарварӣ ва шоликорӣ дар хоҷагиҳои деҳқонӣ ва шахсии сокинони ҷамоати деҳот, аз тариқи кандани чоҳҳои амудӣ беҳ намудан ҳолати мелиоративии заминҳои кишт таваҷҷуҳ зоҳир намуда, ба масъулин ҷиҳати ҳалли мушкилоти мардум супоришҳои мушаххас дод.  Ҳоло дар деҳаи Абдусамад кандани чоҳи амудӣ идома дорад.

Абдухолиқ Холиқзода ҳангоми боздид аз хоҷагиҳои деҳқонии ба номи Тӯраев, «Роҳи абрешим», ба номи Тайлонов раиси шаҳр бо ҷараёни кишти тирамоҳӣ ва ҷамъоварии ҳосили шолӣ ва дигар зироат шинос шуда, ба роҳбарони онҳо ва кишоварзон барои зиёд намудани истеҳсоли маҳсулот, ташкили гармхонаҳои нав ва истифодаи босамари онҳо дастур дод.


Зимнан, ҳоло аз ин ҷо ҳосили қаламфури булғориро барои фурӯш ба бозорҳои шаҳри Душанбе мефиристанд ва чунин имконият бо истифодаи босамари гармхонаҳое, ки аз ҷониби соҳибкорон дар ҳудуди ҷамоати деҳот сохта шудааст, дар фасли зимистону баҳор низ мавҷуд аст.

Хоҷагии намунавии ёрирасони «Ҳифзи табиат»-и бахши ҳифзи муҳити зисти шаҳр низ дар ҳудуди Ҷамоати деҳоти Саразм ҷойгир буда, баҳори соли равон дар масоҳати 7 гектар мавриди истифода қарор дода шуда буд. Ҳоло дар он 25 навъи ниҳолҳои ҷангалӣ ва ороишӣ, ки шуморааш ба 28400 бех мерасад, ҳайвоноту паранда парвариш карда мешаванд. Хоҷагӣ ба мавзеи тамошобоб табдил шудааст.

 АКС: Мақомоти иҷроияи ҳокимияти давлатии шаҳри Панҷакент

Сентябрь 14, 2022 09:45

Хабарҳои дигари ин бахш

Дар шаҳри Хоруғ бахшида ба 35-солагии Истиқлолияти давлатӣ 250 иншооти таъйиноти гуногун сохта мешаванд
Сарвари давлат Эмомалӣ Раҳмон аз Осорхонаи «Иҷлосияи XVI Шӯрои Олии Ҷумҳурии Тоҷикистон» дар Қасри «Арбоб» дидан карданд
Пешвои миллат Эмомалӣ Раҳмон Боғи фарҳангию фароғатии ба номи «30-солагии Иҷлосияи XVI Шӯрои Олии Ҷумҳурии Тоҷикистон» — ро дар ҳудуди Муассисаи давлатии «Қасри Арбоб» ба истифода доданд
Сарвари давлат Эмомалӣ Раҳмон бинои нави Маркази таҳсилоти рақамии Донишгоҳи давлатии ҳуқуқ, бизнес ва сиёсати Тоҷикистонро дар шаҳри Хуҷанд ифтитоҳ намуданд
Пешвои миллат Эмомалӣ Раҳмон корхонаи коркарди санги ҶСП «Корпоратсияи Камоли Хуҷандӣ»-ро ифтитоҳ намуданд
Президенти Тоҷикистон Эмомалӣ Раҳмон бинои чорошёнаи иловагии раёсати ВКД дар вилояти Суғдро ба истифода доданд
Сарвари давлат Эмомалӣ Раҳмон дар шаҳри Хуҷанд бинои Муассисаи таҳсилоти миёнаи умумии №28–ро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Гулистон коргоҳи пойафзолбарории «Маҳина»-ро мавриди истифода қарор доданд
Президенти Тоҷикистон Эмомалӣ Раҳмон коргоҳи дӯзандагии «Маҳина»-ро дар шаҳри Гулистон мавриди истифода қарор доданд
Сарвари давлат Эмомалӣ Раҳмон бинои иловагии Маркази табобатию солимгардонии «Соҳил»-ро дар шаҳри Гулистон ифтитоҳ карданд
Пешвои миллат Эмомалӣ Раҳмон бинои Муассисаи таълимии миёнаи умумии рақами 5-ро дар ноҳияи Деваштич мавриди истифода қарор доданд
Президенти мамлакат Эмомалӣ Раҳмон коргоҳи коркард ва банду басти ҶДММ «Меваҳои ҳазорчашма»-ро дар ноҳияи Деваштич ба истифода доданд