Дар Роғун сохтмони роҳи ҷумҳуриявии даромади шаҳр оғоз гардид
РОҒУН, 11.09.2022 /АМИТ «Ховар»/. Дар шаҳри Роғун корҳо ҷиҳати навсозии роҳи даромади шаҳр оғоз гардиданд. Корҳои сохтмонӣ дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни сафари корӣ ба иншооти бузурги аср- Неругоҳи барқи обии «Роғун» ба мақомоти дахлдори мамлакат дода буданд, шурӯъ гардиданд, хабар медиҳад мухбири минтақавии АМИТ «Ховар» Субҳониддини МАҲМУД.
Роҳи ҷумҳуриявии даромади шаҳри Роғун аз роҳи байналмилалии Душанбе – Ваҳдат – Лахш шурӯъ шуда, то маркази шаҳри Роғун ва Неругоҳи барқи обии «Роғун» 11 километр мебошад. Роҳи мазкур дар даврони Шӯравӣ аз бетон сохта шудааст, ки то ин давра хароб гардида, рафтуомади сокинону меҳмонон ба шаҳри Роғун мушкил гардида буд. Хушбахтона, марҳилаи аввали корҳои сохтмонии ин роҳ аз бетоншиканӣ оғоз гардида, муташаккилона идома дорад.
Муовини Раиси шаҳри Роғун Парвина Мусозода иброз намуд, ки «ин рӯйдоди фараҳбахш, ки бо супоришу ғамхориҳои Сарвари давлат оғоз шуд, мояи хушбахтӣ ва сарфарозии сокинони шаҳри Роғун гардидааст. Инак мушкилоти чандинсолаи сокинони шаҳр ҳалли худро ёфта, сабаби рушди минбаъдаи ин шаҳри стратегӣ мегардад».
Аз ҷониби Мақомоти иҷроияи ҳокимияти давлатии шаҳри Роғун чораҳои зарурӣ бобати нигоҳдории босифати роҳ, фароҳам овардани шароити хуб барои коргарон ва дигар тадбирҳои судманд роҳандозӣ мегарданд.
АКС: АМИТ «Ховар»
Шурои Гурӯҳи Бонки ҷаҳонӣ марҳилаи дуюми маблағгузории грантии НБО «Роғун»-ро тасдиқ намуд
Неругоҳи барқи обии «Роғун» — шоҳасари созандагӣ ва ободкории миллати тоҷик дар замони соҳибистиқлолӣ
Маҷлиси умумии солонаи саҳмдорони Неругоҳи барқи обии «Роғун» баргузор шуд
Пагоҳ маҷлиси умумии солонаи саҳмдорони ҶСК «Неругоҳи барқи обии Роғун» доир мегардад
Аъзои Ҳизби Халқии Демократии Тоҷикистон дар Неругоҳи барқи обии «Роғун» Наврӯзи байналмилалиро таҷлил намуданд
ЭМОМАЛӢ РАҲМОН — ОФТОБИ МУҲАББАТИ МИЛЛАТ ВА БУНЁДГУЗОРИ НЕРУГОҲИ «РОҒУН»
Масоили маблағгузории идомаи сохтмони НБО –и «Роғун» баррасӣ гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
НИШАСТИ МАТБУОТӢ. Корҳои сохтмонӣ дар Неругоҳи барқи обии «Роғун» қариб 60 дарсад ба анҷом расидаанд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
