МУКОФОТ МУБОРАК! Бо Фармони Президенти Ҷумҳурии Тоҷикистон кормандони АМИТ «Ховар» бо мукофотҳои давлатӣ сарфароз гардонида шуданд
ДУШАНБЕ, 05.09.2022. /АМИТ «Ховар»/. Дар арафаи ҷашни 31-солагии Истиқлолияти давлатии Ҷумҳурии Тоҷикистон барои фаъолияти пурсамари меҳнатӣ ва саҳми арзанда дар рушди иттилоот бо Фармони Президенти Ҷумҳурии Тоҷикистон сармуҳаррири Агентии миллии иттилоотии Тоҷикистон «Ховар» Назокат Қодирзода бо медали «Хизмати шоиста» ва муҳаррири шуъбаи иқтисодӣ Рустам Ҷамилзода бо «Ифтихорнома»-и Ҷумҳурии Тоҷикистон сарфароз гардонида шуданд.
Сараввал директори АМИТ «Ховар» Саидалӣ Сиддиқ ҳозиринро бо ҷашни Истиқлолияти давлатии Тоҷикистон табрик намуда, аз дастоварҳое, ки кишварамон дар тӯли 31 соли соҳибихтиёрӣ таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба даст овардааст, ёдовар шуд ва онҳоро дар таърихи чандинҳазорсолаи миллати тоҷик беназир арзёбӣ кард.
Сипас намояндаи Дастгоҳи иҷроияи Президенти Ҷумҳурии Тоҷикистон — Мушовири калони бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Музаффар Давлатзода мукофотҳои давлатиро аз номи Президенти Ҷумҳурии Тоҷикистон ба кормандони агентӣ дар фазои тантанавӣ тақдим намуд.
Музаффар Давлатзода иброз дошт, ки дар арафаи ҷашни Истиқлолияти давлатӣ бо мукофотҳои давлатӣ сарфароз гардондани намояндагони касбу кори гуногун, аз ҷумла кормандони воситаҳои ахбори омма нишони қадршиносии Ҳукумати мамлакат, бахусус Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон нисбат ба ВАО мебошад. «Дар ҳақиқат, саҳми ВАО дар ғанӣ гардондани фазои иттилоотии мамлакат бо хабарҳои фаврию дақиқ, муътамаду воқеъбинона ва созандаю рӯҳбахш назаррас аст», — тазаккур дод ӯ.
Ёдовар мешавем, ки тибқи анъанаи нек ҳамасола дар арафаи таҷлили солгарди Истиқлолияти давлатӣ кормандони касбу кори гуногун бо мукофотҳои давлатӣ сарфароз гардонида мешаванд. 25 ва 30 август дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун, инчунин роҳбарону кормандони сохтору мақомоти ҳифзи ҳуқуқу тартибот, низомӣ ва судии мамлакат, ки дар фаъолияти корӣ дастовардҳои назаррас доранд, мукофотҳои давлатӣ, унвону ҷоизаҳои давлатии Ҷумҳурии Тоҷикистон ва рутбаҳои навбатии ҳарбӣ супориданд.
АКС: АМИТ «Ховар»
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон корхонаи истеҳсоли масолеҳи сохтмонӣ бунёд мегардад
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар шаҳри Турсунзода бинои нави Шабакаи кумаки аввалияи тиббию санитарӣ ба истифода дода шуд
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Истиқлол сохтмони марҳилаи дуюми корхонаи металлургӣ идома дорад
ДУШАНБЕ — ШАҲРИ САБЗ. Дар ноҳияи Исмоили Сомонӣ маъракаи ниҳолшинонӣ баргузор шуд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
