«ЗАБОНИ МИЛЛАТ-ҲАСТИИ МИЛЛАТ». Дар Ҳисор ба истиқболи Рӯзи забони давлатӣ маҳфил баргузор мешавад
ДУШАНБЕ, 16.09.2022 /АМИТ «Ховар»/. Бахшида ба Рӯзи забони давлатӣ ва ҷашни 35-солагии Истиқлолияти Ҷумҳурии Тоҷикистон миёни хонандагони синфҳои 10-11-и муассисаҳои таҳсилоти миёнаи умумии шаҳри Ҳисор маҳфил-озмуни «Забони миллат – ҳастии миллат» баргузор мегардад, хабар доданд ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Ҳисор.
Маҳфил-озмун бо ташабусси Кумитаи иҷроияи Ҳизби Халқии Демократии Тоҷикистон дар шаҳр дар ҳамкорӣ бо шуъбаи маорифи шаҳри Ҳисор баргузор шуда, Лоиҳаи ангораи маҳфил-озмуни «Забони миллат – ҳастии миллат» дар маҷлиси нахустини Кумитаи тадорукот тасдиқ карда шуд.
Маҳфил-озмуни «Забони миллат – ҳастии миллат» бо мақсади таҳкими арзишҳои маънавию фарҳангӣ, бедор намудани ҳисси ватандӯстию меҳанпарастӣ, арҷгузорӣ ба забони давлатӣ, эҳтиром ба муқаддасоти миллӣ миёни ҷавонон, талқини ҷавонон барои сухан гуфтан бо забони ноби адабии тоҷикӣ, муаррифии забони тоҷикӣ ба ҷаҳониён ҳамчун забони қадимии олам ва эҳё намудани арзишҳои неки ниёгон мебошад.
Тибқи низомнома, маҳфил-озмун аз се шарти зерин иборат аст: қироати ифоданоки ғазал, ҳар иштирокчии маҳфил-озмун доир ба моҳияти таърихии китоби «Забони миллат-ҳастии миллат»-и Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон баромад мекунад, маҳорату истеъдоди иштирокчиёни озмун аз рӯйи нақли осор ва маълумоти мухтасар дар бораи таърихи забони тоҷикӣ муайян карда мешавад ва сипас аз ҷониби ҳакамон ба иштирокчӣ аз китоби «Забони миллат-ҳастии миллат» саволҳо пешниҳод карда мешаванд. Ҳайати ҳакамон метавонанд барои беҳтар муайян намудани дониши иштирокчӣ саволҳои иловагӣ пешниҳод намоянд.
Маҳфил-озмуни «Забони миллат – ҳастии миллат» дар ду давр: даври якум дар доираи муассисаҳои таълимӣ аз 22 то 30 сентябри соли 2022 гузаронида шуда, ташкилкунандаи маҳфил-озмун ҷамъоварии ҳуҷҷатҳои заруриро барои иштирок дар маҳфил-озмун ба роҳ мемонад ва аз миёни довталабон ғолибони ҷойи якумро барои иштирок дар даври дуюм пешниҳод менамояд. Даври дуюми маҳфил-озмун барои ғолибони ҷойҳои якум, дуюм ва сеюми даври якум 4 октябри соли 2022 баргузор мешавад.
Ғолибон бо туҳфаҳо ва сипосномаҳои Кумитаи иҷроияи ҲХДТ дар шаҳри Ҳисор ва шуъбаи маорифи шаҳр қадршиносӣ карда мешаванд.
АКС: Кумитаи иҷроияи ҲХДТ дар шаҳри Ҳисор
Туҳфаи арзандаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Ёвон расид
Дар Вазорати фарҳанг бахшида ба Рӯзи Конститутсияи Тоҷикистон ҳамоиши илмӣ доир шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
