Дастаи футболи «Истиқлол»-и шаҳри Душанбе бори 9-ум барандаи Ҷоми Тоҷикистон-2022 гардид

ДУШАНБЕ, 31.10.2022 /АМИТ «Ховар»/. Бозии  даври ниҳоии Ҷоми Тоҷикистон-2022  миёни  дастаҳои  футболи «Истиқлол»-и шаҳри  Душанбе  ва   «Кӯктош»-и ноҳияи Рӯдакӣ  дар варзишгоҳи «Пахтакор»-и шаҳри Бохтар дар ҳузури 6 500 нафар тамошобин   дар сатҳи баланд  баргузор шуда, бо ҳисоби мусовии 2 бар 2  хотима ёфт. Ғолиб аз рӯи силсилазарбаҳои 11- метра мушаххас карда шуд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон. 

Дастаи  футболи  «Истиқлол»-и шаҳри Душанбе  дар иҷрои зарбаҳои 11-метра муваффақ буд ва тавонист, ки бо ҳисоби 5 бар  4 ба муқобили  дастаи  «Кӯктош»-и ноҳияи  Рӯдакӣ  ғолибият ба даст биёрад. Ҳамин тавр, дастаи футболи «Истиқлол»-и шаҳри Душанбе  маротибаи 9-ум барандаи Ҷоми Тоҷикистон гардид. Голҳоро дар ин  вохӯрии ҷолиб  Муҳаммад Гулаев, Сулаймон Собиров (худгол), Худойдод Узоқов ва Манучеҳр Ҷалилов ба  нишон расониданд.

Ёдовар мешавем, ки дастаҳои  футболи  «Истиқлол»-и шаҳри Душанбе ва «Кӯктош»-и ноҳияи  Рӯдакӣ  дар финали Ҷоми Тоҷикистон  бори аввал миёни ҳам рақобат  карданд.

Ҳамаи финалҳои Ҷоми Тоҷикистон (1992-2022):

1992 – «Помир (Душанбе) – «Регар» (Турсунзода) – 1:0

1993 – «Ситора» (Душанбе) – «Равшан» (Кӯлоб) – 0:0. Аз рӯи пеналти – 5:3

1994 – «Равшан» (Кӯлоб) – «Шодмон» (Ҳисор) – 2:1

1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналти – 3:2

1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0

1997/1998 – «Хуҷанд» (Хуҷанд) – «Ранҷбар» (Восеъ) – 2:1

1998 – «Варзоб» (Душанбе) – «Хӯҷа Каримов» (Ғозималик) – 3:1

1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналти – 4:2

2000/2001 – «Регар-ТадАЗ» (Турсунзода) – «Варзоб» (Душанбе) – 4:2

2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1

2002 – «Хуҷанд» (Хуҷанд) – «Вахш» (Қӯрғонтеппа) – 3:0

2003 – «Вахш» (Қӯрғонтеппа) – «Олимп-Ансол» (Кӯлоб) – 3:1

2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0

2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналти – 3:1

2006 – «Регар-ТадАЗ» (Турсунзода) – «Хима» (Душанбе) – 2:1

2007 – «Парвоз» (Бобоҷон Ғафуров) – «Хима» (Душанбе) – 1:0

2008 – «Хуҷанд» (Хуҷанд) – «Энергетик» (Душанбе) – 2:1

2009 – «Истиқлол» (Душанбе) – КМВА «Помир» (Душанбе) – 3:1

2010 – «Истиқлол» (Душанбе) – «Хуҷанд» (Хуҷанд) – 5:0

2011 – «Истиқлол» (Душанбе) – «Регар-ТадАЗ» (Турсунзода) – 0:1

2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналти – 5:6

2013 – «Истиқлол» (Душанбе) – «Регар-ТадАЗ» (Турсунзода) – 2:0

2014 – «Истиқлол» (Душанбе) – «Регар-ТадАЗ» (Турсунзода) – 5:2

2015 – «Истиқлол» (Душанбе) – «Регар-ТадАЗ» (Турсунзода) – 2:2. Аз рӯи пеналти – 6:5

2016 – «Истиқлол» (Душанбе) – «Ҳосилот» (Фархор) – 2:2. Аз рӯйи пеналти – 3:2

2017 – «Истиқлол» (Душанбе) – «Хуҷанд» (Хуҷанд) – 0:2

2018 – «Истиқлол» (Душанбе) – «Регар-ТадАЗ» (Турсунзода) – 1:0

2019 – «Истиқлол» (Душанбе) – «Регар-ТадАЗ» (Турсунзода) – 2:2. Аз рӯйи пеналти – 4:2

2020 – «Равшан (Кӯлоб) – «Хатлон» (Бохтар) – 1:0

2021 – «Истиқлол» (Душанбе) – «Хуҷанд» (Хуҷанд) – 0:2

2022 – «Истиқлол» (Душанбе) – «Кӯктош» (Рӯдакӣ) – 2:2 Аз рӯйи пеналти – 5:4

                                                                                                               Акс: ФФТ