Аз 21 октябр фаъолияти воситаҳои нақлиёти мусофирбари вилояти Суғд дар терминали «Чорбоғ» ба роҳ монда мешавад

ДУШАНБЕ, 21.10.2022. /АМИТ «Ховар»/. Шурӯъ аз имрӯз, 21 октябр фаъолияти воситаҳои нақлиёти мусофирбар ба самти ноҳияи Варзоб ва шаҳру ноҳияҳои вилояти Суғд тавассути роҳи мошингарди минтақаи шимоли пойтахт бо ҷойгиршавии онҳо дар терминали «Чорбоғ» муайян гардидааст. Дар ин бора қарори Раиси шаҳр Рустами Эмомалӣ ба тасвиб расид, хабар доданд дар шуъбаи иттилоотии дастгоҳи Раиси шаҳри Душанбе.

Ба ин хотир нуқтаи охири хатсайрҳои микроавтобусии №52, 19 ва хатсайрҳои автобусии №3, 29 ва 41 терминали мазкур  муқаррар карда шудааст.

Аз ин лиҳоз аз сокинон ва меҳмонони пойтахт, инчунин  ронандагони воситаҳои нақлиёти мусофирбари самти ноҳияи Варзоб ва шаҳру ноҳияҳои вилояти Суғд хоҳиш карда мешавад, ки минбаъд аз хизматрасонии терминали муосири «Чорбоғ» истифода намоянд.

АКС аз манбаъҳои боз