ЧЕМПИОНАТИ ҶАҲОН ОИД БА ГӮШТИНИ ДЗЮДО. Дар Тошканд рӯзи дуюми қувваозмоиҳо идома дорад

Октябрь 8, 2022 13:30

ДУШАНБЕ, 08.10.2022 /АМИТ «Ховар»/. Дар рӯзи дуюми Чемпионати ҷаҳон оид ба гӯштини дзюдо дар шаҳри Тошканд паҳлавонон дар ду вазн -57 кг бонувон ва -73 кг мардон рақобатҳоро оғоз карданд, хабар медиҳад АМИТ «Ховар».

Тоҷикистонро дар вазни -73 кг Муҳаммадраҳим Сарахонов ва Беҳрӯз Хоҷазода намояндагӣ карданд.

Муҳаммадраҳим Сарахонов дар даври аввал аз варзишгари Шветсария Нилс Стампи мағлуб шуд ва аз ҳуқуқи идомаи мусобиқа бенасиб монд. Сарахонов дар раванди рақобат аз ҷониби довар бо 3 шидо барои камфаъолӣ танбеҳ гирифт ва ҳамин боис гардид, ки ғалаба насиби Нилс Спамп гардад.

Беҳрӯз Хоҷазода дар даври аввал намояндаи Фаронса Аксус Бенҷаминро мағлуб карда, ба даври дигар роҳ ёфт. Дар ин давр Беҳрӯз Хоҷазода аз варзишгар аз Молодва Виктор Стерпу мағлуб шуд ва аз ҳуқуқи идомаи мусобиқа бенасиб монд.

7 октябр дар вазни то 66 кг Тоҷикистонро Эмомалии Нуралӣ намояндагӣ кард. Ӯ дар даври аввавл озод буд, дар даври 2-юм варзишгари кубагӣ Орландо Поланкоро мағлуб кард. Дар даври баъдӣ варзишгари мо бо 3 шидо аз чемпиони секарата Ҳифумӣ Абеи ҷопонӣ мағлуб шуд.

Ҷиҳати иштирок дар Чемпионати ҷаҳон 563 варзишгар (305 мард, 258 зан) аз 85 давлат номнавис шудаанд. Аз ҷумла, Ҷумҳурии Тоҷикистонро дар ин мусобиқаи сатҳи ҷаҳонӣ 9 паҳлавони шинохта: Эмомалӣ Нуралӣ дар вазни то 66кг, Беҳрӯз Хоҷазода ҳамроҳ бо Муҳаммадраҳим Сарахонов дар вазни то 73кг, Шодмон Ризоев бо Сомон Маҳмадбеков, ҳарду дар вазни то 81кг, Ҷаҳонгир Маҷидов ҳамроҳ бо Комроншоҳ Устопириён дар вазни то 90кг, Абубакри Акобир дар вазни то 100кг ва ниҳоят паҳлавони маъруфи тоҷик Темур Раҳимов дар вазни +100кг намояндагӣ доранд.

Мусобиқа дар 7 вазн миёни мардҳо, 7 вазн миёни бонувон, инчунин рақобати даставии омехта сурат мегирад. Тибқи низомнома, рақобатҳо ҳар рӯз дар як вазн миёни мардҳо ва як вазн миёни бонувон доир мегарданд. Рақобати даставии омехта дар рӯзи охир ба нақша гирифта шудааст.

Ёдовар мешавем, ки ғолибону ҷоизадорони Чемпионат дар баробари медал бо ҷоизапулӣ низ қадрдонӣ мешаванд.

Дар қувваозмоиҳои инфиродӣ барои ҷои аввал 26 000 евро, барои ҷои дуюм 15 000 евро ва барои ҷои сеюм 8000 евро пешбинӣ шудааст. Дар рақобати даставии омехта ба ғолиб 90 000 евро, ба барандаи ҷои дуюм 60 000 евро ва ба барандагони ҷои сеюм 25 000 евроӣ тақдим хоҳад шуд.

Пайрав ҚОСИМ,
АМИТ «Ховар»

Ғолибони чемпионат ба ҳолати 7 октябр:

Вазни -60 кг, мардон

1.Наоҳиса Такато (Ҷопон)

2.Аруинболд Энхтайван (Муғулистон)

3.Йелдос Сметов (Қазоқистон)

3.Янг Юнг Вей (Тайпеи Чин)

Вазни -48 кг, бонувон

1.Натсуми Тсунода (Ҷопон)

2.Катарина Менз (Олмон)

3.Ассунта Скутто (Италия)

3. Абиба Абужакюнова (Қазоқистон)

Вазни -66 кг, мардон

1.Ҳифумӣ Абе (Ҷопон)

2.Ҷоширо Мараюма (Ҷопон)

3.Денис Вийеру (Молдова)

3.Баул Ан (Кореяи Ҷанубӣ)

Вазни -52 кг, бонувон

1.Ута Абе (Ҷопон)

2.Челсие Гелас (Британияи Кабир)

3.Амандайн Бучард (Фаронса)

3.Дистриа Красники (Косово)

Октябрь 8, 2022 13:30

Хабарҳои дигари ин бахш

Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
Маҳмуд Амонзода Президенти Кумитаи паролимпии Тоҷикистон интихоб гардид
Дар Нуробод бахшида ба Рӯзи ҷаҳонии футбол фестивали футбол баргузор гардид
Дар Донишкадаи тарбияи ҷисмонӣ мусобиқаҳои варзишӣ ҷамъбаст гардиданд