ДАЪВАТИ ТИРАМОҲӢ. Дар Суғд маросими гусели 1100 нафар даъватшавандагон ба хизмати ҳарбӣ доир шуд
ДУШАНБЕ, 07.10.2022 /АМИТ «Ховар»/. Дирӯз дар Амфитеатри Қасри Арбоби вилояти Суғд маросими тантанавии гусели 1100 нафар даъватшавандагон ба хизмати ҳарбӣ баргузор гардид. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Дар маросими гусели даъватшавандагон Раиси вилояти Суғд Раҷаббой Аҳмадзода, муовини Вазири мудофиа Абдусаттор Шоҳиён, роҳбарони воҳидҳои сохтории мақомоти иҷроияи ҳокимияти давлатии вилоят, ташкилоту идораҳо, устодону донишҷӯёни муассисаҳои таҳсилоти олӣ ва миёнаи касбӣ, волидону пайвандони даъватшавандагон ширкат варзида, ҷавононро ба хизмати ҳарбӣ гусел намуданд.
Зикр гардид, ки Президенти Ҷумҳурии Тоҷикистон, Сарфармондеҳи Олии Қувваҳои мусаллаҳ, генерали артиш муҳтарам Эмомалӣ Раҳмон сиёсати давлатии ҷавононро яке аз рукнҳои аввалиндараҷаи сиёсати Ҳукумати Ҷумҳурии Тоҷикистон шуморида, таъкид медоранд, ки «саҳми ҷавонон дар ҳифзи Модар — Ватан шоистаи таҳсин буда, онҳо дар тамоми ҷузъу томҳои Қувваҳои Мусаллаҳ ва дигар сохторҳои ҳарбӣ содиқона хизмат мекунанд ва дар ҳимояи сарҳади давлатӣ низ нақши бузург мебозанд».
Мақомоти иҷроияи ҳокимияти давлатии вилояти Суғд баҳри таъмини иҷрои Фармони Президенти Ҷумҳурии Тоҷикистон ва қарори Раиси вилоят «Оид ба даъвати ҷавонон ба хизмати ҳарбӣ» дар якҷоягӣ бо комиссияҳои даъватӣ, комиссариатҳои ҳарбии шаҳру ноҳияҳои вилоят фаъолияти мунтазам ба роҳ монда, нақшаи пешбинишудаи даъвати баҳории соли 2022-ро пеш аз муҳлати муқарраршуда иҷро намуд.
Дар шароити имрӯза барои будубоши хизматчиёни ҳарбӣ аз ҷониби Ҳукумати Тоҷикистон ва Вазорати мудофиаи мамлакат шароити хуби хизматӣ ва маишӣ ҳамаҷониба фароҳам оварда шудааст.
Дар идомаи ҳамоиш Раиси вилоят ба ҳамаи падару модарон барои тарбияи фарзандони ватандӯст ва боору шуҷоъ изҳори сипос карда, таъкид дошт, ки хизматчиёни вилоят — аз сарбози қаторӣ то генерал бо хизмати садоқатмандонаю бошарафона, саҳмгузорӣ дар бунёди ҷомеаи демократӣ, ҳуқуқбунёд ва дунявӣ ҷашнҳои саиди дар пешистода, аз ҷумла 30 – солагии Иҷлосияи тақдирсози шонздаҳуми Шӯрои Олии Ҷумҳурии Тоҷикистонро бо натиҷаҳои шоиставу арзандаи хизматӣ истиқбол гирифта, сарҳади Ватанамонро бошарафона ҳимоя менамоянд.
Сипас, маросими нонгазон сурат гирифта, барои болидарӯҳии ҷавонон барномаи рангини консертӣ пешниҳод гардид.
Сипас дар вазъияти тантанавӣ фаъолон ва волидони даъватшавандагон 1100 нафар ҷавононро ба хизмати ҳарбӣ роҳӣ намуданд.
АКС: Хадамоти матбуоти Раиси вилояти Суғд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
