НАТИҶАИ АМАЛИЁТИ ШАРТИИ «КОРД». Дар Душанбе содиршавии ҷинояти гурӯҳӣ бо истифодаи яроқи сард ба қайд гирифта нашудааст
ДУШАНБЕ, 10.10.2022 /АМИТ «Ховар»/. Дар давраи 9 моҳи соли равон содиршавии ҷинояткорӣ аз ҷониби ноболиғону ҷавонон дар шаҳри Душанбе коҳиш ёфтааст. Дар ин муддат дар пойтахт содиршавии ҷинояти гурӯҳӣ бо истифодаи яроқи сард умуман ба қайд гирифта нашудааст, ки ин натиҷаи хуби баргузории амалиёти шартии «Корд» мебошад, хабар медиҳад АМИТ «Ховар» бо истинод ба маркази матбуоти Раёсати Вазорати корҳои дохилӣ дар шаҳри Душанбе.
7 октябр дар Раёсати ВКД ҷаласаи фаврӣ-хизматии мақомоти милитсияи пойтахт оид ба натиҷагирии фаъолияти милитсияи шаҳри Душанбе дар давраи 9 моҳи соли равон таҳти роҳбарии сардори Раёсат Бароталӣ Ҳамидзода баргузор гардид.
Дар натиҷаи пешбурди чорабиниҳои пешгирикунанда, санҷишу амалиёт ва мулоқоту суҳбатҳои судманд содиршавии ҷинояткорӣ аз ҷониби ноболиғон ва ҷавонон коҳиш ёфтааст. Аз ҷумла, аз ҷониби ноболиғон 94 ҷиноят ба қайд гирифта шудааст, ки нисбат ба ҳамин давраи соли гузашта 42 адад ва ё 30,8% кам мебошад.
Дар давраи ҳисоботӣ дар ҳудуди пойтахт ҷинояткорӣ миёни ҷавонон низ ба андозаи 18,2% коҳиш ёфтааст, ки ин аз баланд гардидани маърифати ҳуқуқиву шаҳрнишинӣ ва маданияту фарҳанги шаҳрдорӣ миёни ин табақаи пешбарандаи ҷомеа шаҳодат медиҳад.
Дар ҷараёни ҷаласа масъалаҳои вайрон намудани қоидаҳои ҳаракат дар роҳ, таваққуфи нодуруст дар қатори дуюму сеюми роҳ ва ба ин тартиб ба таври сунъӣ ба миён овардани танбашавии воситаҳои нақлиёт ва дигар мушкилоти ҷойдошта мавриди таҳлилу баррасӣ қарор дода шуда, ҷиҳати сари вақт бартарафсозии онҳо ба масъулин супоришҳои мушаххас дода шуданд.
АКС: РВКД дар ш. Душанбе
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
