Пагоҳ дар Душанбе ярмаркаи соҳавии вазифаҳои озод доир мегардад
ДУШАНБЕ, 21.10.2022. /АМИТ «Ховар»/. Пагоҳ, 22 октябр аз соати 9:00 то соати 17:00 дар Шаҳраки донишҷӯёни Донишгоҳи милллии Тоҷикистон «Фестивали пешрафти мансабӣ дар касбу кор» доир шуда, дар он ярмаркаи соҳавии ҷойҳои кории холӣ ва вазифаҳои озод ташкил мегардад. Дар ин бора ба АМИТ «Ховар» муовини Раиси Иттифоқи ҷавонони Тоҷикистон Умед Раҳимзода хабар дод.
Дар ярмаркаи мазкур ширкатҳои тиҷоратии ватание, ки дар соҳаи худ пешсафанд, ба корҷӯён ҷойҳои кории холӣ, талабот ба номзадӣ ва имтиёзҳои иҷтимоии пешниҳодгардидаро дар суҳбати рӯ ба рӯ мефаҳмонанд.
Зимни баргузории ярмарка Корхонаи воҳиди давлатии «Маркази рушди касбият ва шуғлнокии ҷавонони шаҳри Душанбе» ба иштирокчиён платформаи рақамии www.joikor.tj — ро муаррифӣ менамояд, ки ба корфармо ва корҷӯён нигаронида шудааст.
Фестивал аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Вазорати меҳнат, муҳоҷират ва шуғли аҳолии Ҷумҳурии Тоҷикистон ва дар ҳамоҳангӣ бо Ташкилоти ҷамъиятии «Занони хушбахт», Ташкилоти ҷамъиятии «Пайравони Пешвои миллат», Ташкилоти ҷамъиятии Иттифоқи ҷавонони Тоҷикистон, Корхонаи воҳиди давлатии «Маркази ташаккули фарҳанг ва рушди иҷтимоии ҷавонон», Корхонаи воҳиди давлатии «Маркази рушди касбият ва шуғлнокии ҷавонон», Донишгоҳи миллии Тоҷикистон ва шарики кулли ин Фестивал ширкати “Кока-кола” Тоҷикистон баргузор мегардад.
Дар кори фестивали мазкур волонтёрони Ташкилоти ҷамъиятии «Пайравони Пешвои миллат» флешмоб ташкил намуда, барои дар сатҳи баланд баргузор намудани он мусоидат менамоянд.
Фестивали мазкур бо бозии Лотереяи калон ҷамъбаст гардида, дар он ҳамаи иштирокчиён метавонанд туҳфаҳои арзишманди омодакардаи корфармоёнро бурд намоянд.
АКС аз бойгонии АМИТ «Ховар»
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
