Вазири маорифи Беларус бо омӯзгорону донишҷӯёни Донишгоҳи техникии Тоҷикистон мулоқот намуд

Октябрь 13, 2022 11:00

ДУШАНБЕ, 13.10.2022. /АМИТ «Ховар»/. 12 октябр Вазири маорифи Ҷумҳурии Беларус Андрей Иванетс ва ректорони муассисаҳои олии касбии ҷониби Ҷумҳурии Беларус ба Донишгоҳи техникии Тоҷикистон ба номи академик М.С.Осимӣ ташриф оварданд. Дар ин бора ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Меҳмононро муовини якуми Вазири маориф ва илми Ҷумҳурии Тоҷикистон Ҷамшед Ҷӯразода, муовини Вазири маориф ва илми Ҷумҳурии Тоҷикистон Лутфия Абдулхолиқзода ва Ректори Донишгоҳи техникии Тоҷикистон ба номи академик М.С.Осимӣ Қудрат Давлатзода истиқбол намуданд.

Ҳайати меҳмонон аз намоиши дастовардҳои илмии донишгоҳ боздид ба амал оварда, бо имконияти мавҷуда ва дурнамои татбиқи иқтидори илмии донишгоҳ шинос шуданд.

Зикр шуд, ки иқтидори илмӣ – таҳқиқотӣ ва таълимии Донишгоҳи техникии Тоҷикистон ба номи академик М.С.Осимӣ васеъ буда, дорои шароити хуби таҳсил ва омода намудани мутахассисони самтҳои гуногуни муҳандисӣ мебошад.

Вазири маорифи Ҷумҳурии Беларус Иванетс Андрей Иванович ва ҳайати меҳмонон аз озмоишгоҳи истеҳсолии технологияи мошинсозӣ ва намоиши дастовардҳои факултети муштараки муҳандисӣ – технологии Донишгоҳи миллии техникии Беларус ва Донишгоҳи техникии Тоҷикистон ба номи академик М.С.Осимӣ дидан намуданд.


Баъд аз боздид вохӯрии Вазири маорифи Ҷумҳурии Беларус Андрей Иванетс бо ҳайати профессорону омӯзгорон ва донишҷӯён доир гардид.

Зимни мулоқот масъалаҳои марбут ба рушди ҳамкорӣ дар самти корҳои илмӣ-тадқиқотӣ, табодули донишҷӯён ва ҳайати профессорону омӯзгорон, баргузории озмуну олимпиадаҳо, нашри мақолаҳои илмии ду ҷониб дар маҷаллаҳои байналмилалӣ, баргузории симпозиуму конференсияҳо, такмили ихтисоси кормандон ва имконияти давом додани таҳсил дар муассисаҳои таълимии тарафайн таъкид гардид.

АКС: Маркази матбуоти Вазорати маориф ва илми Ҷумҳурии Тоҷикистон

Октябрь 13, 2022 11:00

Хабарҳои дигари ин бахш

Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад