БИСТСОЛАИ ОМӮЗИШ ВА РУШДИ ИЛМҲОИ ДАҚИҚ ВА РИЁЗӢ. Дар Коллеҷи тиббӣ-инноватсионии шаҳри Бохтар озмуни малакаи зеҳнӣ аз фанни биология гузаронида шуд
ДУШАНБЕ, 29.11.2022. /АМИТ «Ховар»/. Бахшида ба солҳои 2020-2040 эълон гардидани «Бистсолаи омӯзиш ва рушди илмҳои дақиқ ва риёзӣ дар соҳаи илму маориф» дар Муассисаи таълимии Коллеҷи тиббӣ — инноватсионии шаҳри Бохтар байни донишҷӯёни бахши якум озмуни малакаи зеҳнӣ аз фанни биология гузаронида шуд. Дар озмун дастаи «Сино», ки ба он донишҷўёни бахши ихтисоси кори дорусозӣ шомил шуда буданд, сазовори ҷойи якум гардид. Дар ин бора ба АМИТ «Ховар» дар Муассисаи мазкур хабар доданд.
Тибқи иттилои манбаъ, озмуни мазкур бо ташаббуси кафедраи фанҳои гуманитарӣ, табиӣ ва риёзии Муассисаи таълимии Коллеҷи тиббӣ – инноватсионии зикршуда бо роҳбарии омӯзгори фанни биология Саида Юсупова гузаронида шуд. Дар он довталабон ба ду гурӯҳ тақсим гардиданд, ки яке дастаи «Шифо» ва дигаре «Сино» номгузорӣ шуд. Иштирокдорон аз рўи 7 шарт амал намуданд, ки яке аз онҳо ин тарзи дуруст ҷо ба ҷо намудани узвҳои бадани инсон дар муляжҳо буд. Довталабон дар ҳамаи шартҳо фаъолнокӣ нишон дода, аз ҷониби аъзои ҳакамон ба донишу маҳорати онҳо баҳои муносиб дода шуд.
Директори Муассисаи таълимии Коллеҷи тиббӣ — инноватсионии шаҳри Бохтар Ғаюр Раҳмонзода зикр кард, ки дар муассиса дар доираи Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф барномаҳои гуногун амалӣ мегарданд, ки баргузории чунин озмунҳо аз ҷумлаи онҳо мебошад.
«Бо фармони Президенти Ҷумҳурии Тоҷикистон Барномаи мазкур 31 январи соли 2020 ба имзо расида буд. Моҳи марти соли 2020 Сарвари давлат зимни мулоқот бо олимони мамлакат иброз доштанд: «Имрӯз бе илму инноватсия, технологияҳои иттилоотиву коммуникатсионӣ ва ташаккули ҷаҳонбинии техникӣ қадаме ба пеш гузошта намешавад. Аз ин рӯ, мо рушди илмҳои муосир, махсусан дақиқро ба мадди аввал гузоштем, зеро дар назди мо боз як вазифаи бузург, яъне ҳадафи чоруми стратегӣ– саноатикунонии босуръати кишвар қарор дорад»,-тазаккур дод Ғаюр Раҳмонзода.
АКС: Муассисаи таълимии Коллеҷи тиббӣ-инноватсионии шаҳри Бохтар
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
НИШАСТИ МАТБУОТӢ. Соли 2025 Донишгоҳи миллии Тоҷикистон барои фаъолсозии 12 ихтисоси нав иҷозатнома гирифт
Дар Донишгоҳи давлатии Кӯлоб синфхонаҳои таълимӣ ва озмоишгоҳ ба номи омузгорону донишмандони варзида гузошта шуданд
