Дар Исфара оид ба «16 рӯзи мубориза бар зидди хушунати гендерӣ» маъракаи иттилоотӣ баргузор шуд
ДУШАНБЕ, 26.11.2022 /АМИТ «Ховар»/. Ҳамасола дар Тоҷикистон аз 25 ноябр то 10 декабр маъракаи иттилоотии «16 рӯзи мубориза алайҳи хушунати гендерӣ» гузаронида мешавад. Чунин маърака дар шаҳри Исфара низ доир гардид. Дар ин бора ба АМИТ «Ховар» дар Мақомоти иҷроияи ҳокимияти давлатии шаҳр хабар доданд.
Маъракаи иттилоотии «16 рӯзи мубориза бар зидди хушунати гендерӣ» ба пешгирӣ ва бартараф намудани ҳама гуна маҳдудкуниҳо нисбат ба занон равона карда шудааст.
Муовини Раиси шаҳри Исфара Мадина Бобоиён зимни ифтитоҳи маъракаи иттилоотӣ гуфт, ки дар ҷаҳони муосир зӯроварӣ дар оила зуҳуроти паҳнгашта буда, бартараф намудани он масъалаи муҳими иҷтимоӣ арзёбӣ мегардад.
Мушкилоти зӯроварӣ дар оила яке аз масъалаҳои мубрами ҷахонӣ имрўза мебошад. Зӯроварӣ дар оила кирдори паҳншуда ва хавфноке дар муҳити оилавӣ ба шумор меравад, ки ҳуқуқу озодиҳои аъзои дигари оиларо дағалона вайрон намуда, дар баъзе мавридҳо ба барҳамхӯрии оилаҳо ва худкушии ҷабрдидагон оварда мерасонад. Ҳеҷ кас аз ин кирдор истисно набуда, ҷабрдидаи зӯроварӣ дар оила метавонад зан, мард, кӯдак ё аъзои дигари оила бошад. Зӯроварӣ дар оила масъалаи шахсӣ миёни аъзои оила набуда, вайронкунии ҳуқуқи инсон ва табъиз нисбат ба дигар аъзои оила натиҷаи бевоситаи нобаробарӣ миёни марду зан мебошад.
Бино ба иттилои мудири шуъбаи кор бо занон ва оилаи мақомоти иҷроияи ҳокимияти давлатии шаҳри Исфара Фараҳноз Асламӣ, шурӯъ аз 25 ноябр то 10 декабр дар доираи маъракаи «16 рӯзи мубориза бар зидди хушунати гендерӣ» тибқи нақшаи шуъба ҷиҳати татбиқи Қонуни Ҷумҳурии Тоҷикистон «Дар бораи пешгирии зӯроварӣ дар оила», «Барномаи давлатии пешгирии зӯроварӣ дар оила дар Ҷумҳурии Тоҷикистон барои солҳои 2014-2023» ва бахшида ба Рӯзи байналмилалии маҳви зӯроварии гендерӣ барномаҳои мухталиф доир мегарданд.
Аз ҷумла, барномаҳои илмиву фарҳангӣ, мусобиқаҳои варзишӣ, суҳбату вохӯрӣ, семинару тренингҳои омӯзишӣ, ҳамоиш, конфронси илмӣ ва бозиҳои варзишӣ дар назар дошта шудаанд.
Ин тадбирҳо ҷиҳати коҳиш додани зӯроварӣ дар оила ва пешгирии ҷудошавии оилаҳо амалӣ карда мешаванд.
АКС: МИҲД Исфара
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
