ИҚТИСОДИЁТИ ТОҶИКИСТОН АЗ ҲАМА БЕШ РУШДЁБАНДА МЕШАВАД. Бонки рушди Авруосиё афзоиши рекордии ММД дар Тоҷикистонро барои соли 2023 пешгӯӣ кардааст
ДУШАНБЕ, 30.11.2022 /АМИТ «Ховар»/. Таҳлилгарони Бонки рушди Авруосиё (БРАО) афзоиши ММД-и Тоҷикистонро дар нақшаи заминавӣ дар соли 2023 пас аз 7,5%-и соли ҷорӣ 6,5% пешгӯӣ мекунанд. Ба гуфтаи коршиносон, ин афзоиш миёни кишварҳои узви ин ниҳоди молӣ баландтарин хоҳад буд. Тавре АМИТ «Ховар» иттилоъ медиҳад, таҳлилгарони Бонки рушди Авруосиё зимни пешгӯии хурди худ барои соли 2023 ба ин хулоса омадаанд.
«Ноил гардидан ба анҷоми давраи барқароршавӣ дар иқтисод пас аз анҷоми марҳилаи шадиди пандемияи коронавирус идомаи таназзули иқтисодӣ буда, дар пасманзари заифшавии рубли русӣ ва коҳиши ҳаҷми интиқоли маблағҳои воридотӣ дар минтақа сурат гирифт», — мегӯянд таҳлилгарони БАОР дар Дурнамои макроиқтисодӣ барои соли 2023 доир ба масъалаи коҳиши умумии афзоиши ММД дар кишварҳои узви ин созмон.
«Рушди иқтисодии Тоҷикистон дар соли оянда миёни кишварҳои узви ин ниҳоди молии минтақавӣ баландтарин — 6,5% хоҳад буд», — мегӯянд таҳлилгарони БАОР. Афзоиши нисбатан баланди иқтисоди Тоҷикистонро чун “васеъ кардани иқтидорҳо дар соҳаҳои пешбурди саноат ва иҷрои барномаҳои иқтисодии ҳукумат” шарҳ медиҳанд. Сатҳи таваррум дар Тоҷикистон, тибқи пешгӯии мутахассисони БРАО, дар соли 2023 аз 6,9%-и соли 2022 то 6% коҳиш хоҳад ёфт. Таҳлилгарони ин бонк мегӯянд,ки «коҳиши тадриҷан дар қимати молу маҳсулот дар бозори ҷаҳонӣ барои мақомоти молиявии кишвар назорати таваррумро осон мекунад».
Тибқи пешгӯии онҳо, сиёсати пулию қарзии Бонки миллии Тоҷикистон, ки ба нигоҳ доштани афзоиши нархи молу хизматрасонӣ барои истеъмолкунандагон дар доираи параметрҳои мақсаднок нигаронида шудааст, ба коҳиши афзоиши нархи истеъмолӣ нисбат ба соли 2022 мусоидат мекунад.
Иқтисодиёти Арманистон ва Қазоқистон дар соли 2023 дар сатҳи 4,2%, Қирғизистон — 3,5%, Беларус — 0,3% ва коҳиши иқтисоди Россия дар сатҳи -2% пешбинӣ шудааст. Тибқи пешгӯии Вазорати рушди иқтисоди Федератсияи Россия, маҷмӯи маҳсулоти дохилии ин кишвар соли равон 2,9% ва дар соли 2023 0,8% коҳиш хоҳад ёфт.
Дар ҳамин ҳол, Бонки Россия интизор дорад, ки коҳиши иқтисоди Россия то охири сол 3-3,5% ва соли оянда 1-4% хоҳад буд.
АКС аз бойгонӣ
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
