Имсол дар Тоҷикистон парвариши чорво дар қиёс ба соли 2021 4,3 фоиз афзоиш ёфтааст
ДУШАНБЕ, 19.11.2022 /АМИТ «Ховар»/. Чорводорӣ дар Тоҷикистон яке аз соҳаҳои асосии таъмини амнияти озуқаворӣ ба шумор рафта, рушди он аз масъулияти баланди мутахассисон ва олимони соҳа вобастагии калон дорад. То 1-уми октябри соли равон дар ҳамаи категориҳои хоҷагиҳои мамлакат саршумори чорвои калони шохдор 2507, 8 ҳазор сарро ташкил додааст, ки ин нисбат ба ҳамин давраи соли гузашта 102, 4 ҳазор сар ё 4,3 фоиз зиёд мебошад, хабар медиҳад АМИТ «Ховар» бо истинод ба Агентии омори назди Президенти Ҷумҳурии Тоҷикистон.
Тибқи иттилои манбаъ, то давраи зикршуда саршумори асп 85213 сарро ташкил дод, ки он дар муқоиса ба ҳамин давраи соли гузашта 993 сар зиёд мебошад. Ба ҳолати 1-уми октябри соли равон саршумории умумии чорвои калон-қутосҳо 28390 сар ба қайд гирифта шудааст, ки ин нишондод соли гузашта ба 29320 сар расида буд. Аз ин муқоиса бармеояд, ки имсол саршумори қутосҳо то 930 сар кам гардидааст.
Дар даҳ моҳи соли 2022 саршумори гўсфанду буз 6272, 3 ҳазор сар ба қайд гирифта шудааст, ки дар қиёс ба соли пешин 252, 3 сар ё 4, 2 фоиз афзоиш ёфтааст. Аз ҳисоби умумӣ, 93, 1 фоизи саршумори чорвои калони шохдор ва 81, 3 фоизи саршумори гўсфанду буз ба хоҷагиҳои аҳолӣ рост меояд.
Саршумори чорвои калони шохдор дар хоҷагиҳои ВМКБ-2,1 фоиз, вилоятҳои Суғд -7, 4 фоиз, Хатлон 2, 0 фоиз ва ноҳияҳои тобеи ҷумҳурӣ (НТҶ) 4,8 фоиз зиёд гардидааст.
Бо мақсади амалигардонии рушди устувори соҳаи чорводорӣ Ҳукумати Ҷумҳурии Тоҷикистон “Барномаи маҷмӯавии рушди соҳаи чорводорӣ дар Ҷумҳурии Тоҷикистон барои солҳои 2018-2022” қабул намуд, ки он ба баланд бардоштани маҳсулнокӣ, зиёд намудани саршумор ва истеҳсоли маҳсулот мусоидат менамояд.
Мавриди зикр аст, ки солҳои охир ба Тоҷикистон аз тарафи соҳибкорони ватанӣ чорвои зотӣ ва наслдиҳандаи сергӯшту сершир аз давлатҳои Германия, Федератсияи Россия, Украина ва Беларус ворид карда мешаванд.
Ёдовар мешавем, ки соли 2021 дар ҷумҳурӣ бо мақсади рушди соҳаи чорводорӣ, зиёд намудани хоҷагиҳои зотпарварӣ Фестивал-намоиши чорвои зотӣ гузаронида шуд. Дар Фестивал чорвои калони шохдор, аз ҷумла чорвои хушзоти калони тоҷикии навъҳои сиёҳ-ало, зотҳои шведӣ, сментал ва гӯсфанди зоти тоҷикӣ, ҳисорӣ, қароқулӣ, маҳинпашм ва ғайрахо муаррифӣ гардиданд.
Ҳадафи асосии ташкил намудани Фествали мазкур ин муаррифии чорвои зотии дар мамлакат парваришёбанда, тақвият бахшидани ҳамкории хоҷагиҳои зотпарварӣ ва дар ин замина ҳавасмандии аҳолӣ дар самти парвариши чорвои зотӣ маҳсуб мешавад.
Рухсораи НУР,
АМИТ «Ховар»
АКС: АМИТ «Ховар» ва манбаъҳои боз
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
