Дар Хуҷанд оид ба таъмини рушди устувор ва рақобатпазирии иқтисодиёти Тоҷикистон форуми ҷумҳуриявӣ доир шуд
ДУШАНБЕ, 15.12.2022 /АМИТ «Ховар»/. 15 декабр бахшида ба 35-солагии Истиқлолияти давлатии Ҷумҳурии Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон дар Хуҷанд дар мавзӯи «Таъмини рушди устувор ва рақобатпазирии иқтисодиёти Тоҷикистон дар шароити ҷаҳонишавӣ» Форуми II ҷумҳуриявии иқтисодӣ баргузор гардид. Дар ин бора АМИТ «Ховар» бо истинод ба Донишгоҳи мазкур хабар медиҳад.
Дар даромадгоҳ меҳмонон бо дастовардҳои инноватсионии донишҷӯён ва кормандону устодони донишгоҳ шинос шуданд. Ректори донишгоҳ Муъмин Шарифзода форумро ифтитоҳ намуда, ҳадафи онро мустаҳкам намудани робитаи илм бо истеҳсолот, мубодилаи афкор ҷиҳати дарёфт ва пешниҳоди тавсияҳо баланд бардоштани рақобатпазирии субъектҳои алоҳидаи хоҷагидории минтақа ва иқтисодиёти миллӣ дар шароити имрӯзаи ҷаҳонишавӣ, гузариш ба ҳадафҳои рушди устувор маънидод кард.
Бино ба иттилои сармутахассиси шуъбаи таҳлил ва робита бо ҷомеаи донишгоҳ Сино Ғафурӣ, дар форум коршиносон, олимон, кормандони муассисаҳои илмӣ ва таълимии Тоҷикистон дар мавзӯъҳои «Саҳми занони соҳибкор дар рушди иқтисодиёти кишвар», «Амалигардонии саноатикунонии босуръат дар Ҷумҳурии Тоҷикистон бо баланд бардоштани рақобатпазирии он» ва ғайра маъруза намуданд.
Зикр шуд, ки таъмини рушди босуботи иқтисодӣ, фароҳам овардани фазои мусоид барои рушди соҳибкорӣ, ҷалби сармоя ва воридоти технологияҳои пешрафта, ташкили ҷойҳои нави корӣ ва ба ин васила таъмини зиндагии шоистаи аҳолӣ аз масъалаҳои асосии сиёсати давлату Ҳукумати мамлакат мебошанд.
Ёдовар мешавем, ки Форуми якуми иқтисодии ҷумҳуриявӣ ба шарафи ҷашни 30-солагии Истиқлолияти давлатии Ҷумҳурии Тоҷикистон баргузор гардида буд.
АКС: Шуъбаи таҳлил ва робита бо ҷомеаи донишгоҳ
«ИЛМ-ФУРӮҒИ МАЪРИФАТ». 27 октябр маросими қадрдонии ғолибони ҷойҳои ифтихории даври ҷумҳуриявии озмун доир мешавад
Масъалаи пайваст намудани муассисаҳои таълимии Тоҷикистон ба интернет баррасӣ шуд
Соли 2025 хонандагони муассисаҳои таълимии ноҳияи Данғара дар олимпиадаҳои байналмилалӣ соҳиби 148 медал гардиданд
72 оилаи омӯзгорони Донишгоҳи давлатии Данғара бо манзили истиқоматӣ таъмин мегарданд
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
