Имрӯз дар Москва нишасти вазирони мудофиаи кишварҳои СҲШ ва ИДМ баргузор мешавад
ДУШАНБЕ, 09.12.2022 /АМИТ «Ховар»/. Имрӯз, 9 декабр дар Москва ҷаласаи вазирони мудофиаи кишварҳои узви СҲШ ва давлатҳои аъзои ИДМ баргузор мешавад, хабар медиҳад АМИТ «Ховар» бо истинод ба ТАСС.
Тибқи рӯзномаи ҷаласа, ҷонибҳо оид ба масъалаҳои амнияти байналмилалӣ ва минтақавӣ, таҳкими минбаъдаи ҳамкорӣ дар соҳаи мудофиа табодули афкор намуда, масъалаҳои мавриди таваҷҷуҳи тарафайнро баррасӣ хоҳанд кард.
Тавре АМИТ «Ховар» қаблан хабар дода буд, Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи якҷояи Шӯрои Ассамблеяи парлумонии СААД ва ҷаласаи XV пленарии АП СААД, ки 5 декабр дар толори «Колонний»-и Хонаи иттифоқҳои Москва доир шуд, гуфтанд, ки низоъҳо дар минтақаҳои гуногуни олам бамиёномада барои рушди аксари кишварҳо мушкилот эҷод мекунанд. «Дар ин замина вазъияте, ки дар Афғонистони ҳамсояи мо ба амал омадааст, махсусан ташвишовар аст»,- гуфтанд Рустами Эмомалӣ.
Ба гуфтаи ӯ, Созмон бояд барои ҳифзи марзҳои ҷанубӣ аз терроризму ифротгароӣ тадбирҳои фаврӣ андешад ва зарур аст, ки таъмини амният дар марзи Тоҷикистону Афғонистон вусъат бахшида шавад.
«Имрӯз он (вазъи Афғонистон — Тавзеҳи АМИТ «Ховар») ба манфиатҳои амнияти дастҷамъӣ таҳдиди воқеӣ ва эҳтимолан зиёд дорад. Дар ин гуна ҳолат кишварҳои моро зарур аст, ки дар якҷоягӣ бори дигар ҷиҳати таъмини амнияти сарҳадҳои ҷанубии СААД ва ба ҳадди ақал расонидани таҳдидҳои аз ин самт бароянда тадбирҳои таъҷилӣ андешем»,-изҳор намуданд Рустами Эмомалӣ.
ДАР АКС: Вазири мудофиаи ҶТ, генерал-полковник Шералӣ Мирзо. Акс: Агентии махзани аксҳо sco-russia2020.ru
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
