ҶОНИ ХУДУ ДИГАРОНРО НАҶОТ ДЕҲ! Амалиёти махсуси Раёсати Бозрасии давлатии автомобилӣ дар ҳудуди Тоҷикистон идома дорад

Декабрь 19, 2022 10:33

ДУШАНБЕ, 19.12.2022 /АМИТ «Ховар»/. Шурўъ аз 14 декабри соли равон дар қаламрави мамлакат амалиёти воситаҳои нақлиёти «Махсус» ҷараён дорад, ки он то ба эътидол омадани вазъият идома меёбад. Мақсад аз гузаронидани амалиёти мазкур ин пешгирӣ намудани ҳодисаҳои роҳу нақлиёт ва таъмин намудани ҳаракати бемамонияти воситаҳои нақлиёти «Махсус», яъне мошинҳои Ёрии таъҷилӣ, Сўхторхомушкунӣ ва Бозрасии давлатии автомобилӣ ҳангоми амали намудани вазифаҳои таъҷилию хизматӣ мебошад. Дар ин бора ба мухбири АМИТ «Ховар» сардори шуъбаи ташвиқот ва тарғиботи Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, полковники милитсия Саидмумин Ҳасанзода хабар дод.

Саидмумин Ҳасанзода иттилоъ дод, ки тибқи талаботи боби 4-и Қонуни Ҷумҳурии Тоҷикистон «Дар бораи қоидаҳои ҳаракат дар роҳ», ки бо Қарори Ҳукумати Ҷумҳурии Тоҷикистон тасдиқ шудаст, ҷиҳати иҷрои супоришҳои таъҷилӣ — хизматӣ ҳангоми фурўзон будани чароғакҳои шӯълавар ва сигналҳои махсуси овозӣ ба воситаҳои нақлиёти «Махсус», яъне мошинҳои Ёрии таъҷилӣ, Сӯхторхомушкунӣ ва Бозрасии давлатии автомобилӣ афзалият дода мешавад.

«Мутаассифона, ин талаботи қоидаҳои ҳаракат дар роҳ аз тарафи ронандагони баъзеи воситаҳои нақлиёт на ҳама вақт риоя карда мешавад. Барои чунин кирдорҳо тибқи моддаи 318-и «Кодекси ҳуқуқвайронкунии маъмурӣ» Ҷумҳурии Тоҷикистон ҷавобгарии маъмурӣ пешбинӣ карда шудааст. Дар давоми ду рӯзи гузаронидани амалиёт мазкур аз тарафи кормандони Раёсати Бозрасии давлатии автомобилӣ нисбат ба 26 нфар ронандагони восиатҳои нақлиёт Протоколҳои маъмурӣ бо моддаи 318-и «Кодекси ҳуқуқвайронкунии маъмурӣ» Ҷумҳурии Тоҷикистон тарбиб дода шудааст», — тазаккур дод ў.

Саидмумин Ҳасанзода таъкид намуд, ки ҳар як ронанда ё худ шаҳрванд бояд огоҳ бошад, ки «роҳ додани ба нақлиёти Ёри таъҷилӣ ин сарвақт наҷот додани беморе аз марг аст. Роҳ додан ба ҳаракати воситаҳои нақлиёти махсуси оташнишонӣ ин аз коми оташ наҷот додани ҷону мол ва манзилҳои зисти хешу пайвандон ва иншоотҳои зисти ҷамъиятӣ мебошад. Дар мавриди дигар воситаҳои нақлиёти махсус низ ҳамин муҳимиятро метавон арзёбӣ кард. Мусоидат кардан ба нақлиёти махсуси хизматӣ кормандони мақомоти ҳифзи ҳуқуқ ин мусоидат намудан ба пешрафти фаъолияти мақомот ва саривақт таъмини волояти Қонун мебошад».

Аз ин лиҳоз, роҳбарияти Раёсати Бозрасии давлатии автомобилӣ Вазорати корҳои дохилии Ҷумҳурии Тоҷикистон аз тамоми ронандагони воситаҳои нақлиёт бо қатъият талаб менамояд, ки қоидаҳои ҳаракат дар роҳро риоя намоянд.

Файзалӣ ҚУРБОНЗОДА
АМИТ «Ховар»,

АКС аз манбаъҳои боз

 

 

Декабрь 19, 2022 10:33

Хабарҳои дигари ин бахш

Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Доир ба ташаббусҳои Пешвои миллат дар шаҳри Хоруғ конфронси ҷумҳуриявӣ баргузор шуд
137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
Дар ноҳияи Дарвоз оид ба истифодаи сарфакоронаи неруи барқ вохӯрӣ доир гардид
ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
Сокинони ноҳияи Файзобод дар заминҳои наздиҳавлигӣ бештар картошка парвариш менамоянд
ИСТИФОДАИ САМАРАНОКИ ЗАМИН. Сокинони деҳаи Навдеҳи шаҳри Норак таҷрибаи пешқадами кишоварзони ҷаҳонро меомӯзанд