Россия барои бунёди мактабҳои русизабон дар Тоҷикистон то 5,74 миллиард рубл ҷудо мекунад
ДУШАНБЕ, 09.12.2022 /АМИТ «Ховар»/. Сарвазири Россия Михаил Мишустин амре ба имзо расонид, ки мувофиқи он Вазорати молияи ФР муваззаф шудааст, ки соли равон барои сохтмон ва муҷаҳҳазгардонии мактабҳои русизабон дар Тоҷикистон то 5,74 миллиард рубл ҷудо кунад. Ҳуҷҷати дахлдор рӯзи панҷшанбе дар сомонаи расмии интернетии иттилооти ҳуқуқӣ нашр шудааст.
Мувофиқи амр, сухан дар бораи мактабҳо дар шаҳрҳои Душанбе, Кӯлоб, Хуҷанд, Бохтар ва Турсунзода меравад. Маблағҳо ҳамчун хайрия аз Федератсияи Россия ба Хазинаи авруосиёии субот ва рушд ворид карда мешаванд.
Ёдовар мешавем, ки тавофуқ дар бораи таъсиси муассисаҳои таълимӣ бо забони русӣ дар Тоҷикистон пас аз музокироти Президенти Ҷумҳурии Тоҷикистон муҳтарам Эмомалӣ Раҳмон ва Президенти Россия Владимир Путин дар ҷараёни сафари расмии Сарвари давлати Тоҷикистон ба Россия 17 апрели соли 2019 ҳосил шуда буд.
1 сентябри соли 2022 маросими ифтитоҳи ин мактабҳо бо иштироки сарони ду кишвар Эмомалӣ Раҳмон ва Владимир Путин тавассути алоқаи видеоӣ баргузор гардид.
Тибқи иттилои шахсони масъули Вазорати маориф ва илми Ҷумҳурии Тоҷикистон, дар айни замон дар кишвар 48 мактаб бо забони русӣ мавҷуданд, ки дар онҳо 27 ҳазору 63 хонандагон таҳсил мекунанд. Ин мактабҳо дар Душанбе, минтақаҳои тобеи ҷумҳурӣ ва дигар шаҳрҳои калони ҷумҳурӣ фаъолият мекунанд.
Дар суханронии худ зимни ифтитоҳи мактабҳо Президенти Тоҷикистон зикр карданд, ки «имрӯзҳо дар кишвари мо 39 мактаб бо забони русӣ мавҷуданд, ки дар онҳо тақрибан 27 ҳазор хонандагон таҳсил мекунанд. Зиёда аз 160 мактабҳои омехтаи тоҷикиву русӣ низ бо фарогирии тақрибан ҳафтод ҳазор хонандагон фаъолият мекунанд. Дар баробари ин, тибқи стандартҳои давлатӣ, таълими забони русӣ унсури ҳатмии барномаҳои таълимӣ мебошад ва аз синфи дуюм оғоз ёфта, онро дар тамоми мактабҳои таҳсилоти умумӣ — тақрибан чор ҳазор мактаби кишвар меомӯзанд».
Азиза ДАДАБОЕВА,
АМИТ «Ховар»
АКС аз бойгонӣ
ТАЪТИЛ ФАРО МЕРАСАД! Барои самаранок гузаронидани давраи таътили фарзандон омода мешавем
ҲАМГИРОИИ ИҶТИМОИЮ ИҚТИСОДИИ ТОҶИКИСТОН ВА ЧИН ДАР МАРҲАЛАИ НАВИ ШАРИКИИ СТРАТЕГӢ. Андешаҳо оид ба сафари давлатии Президенти Тоҷикистон ба Ҷумҳурии Мардумии Чин
Дар Донишгоҳи технологии Тоҷикистон ба муносибати Рӯзи ҷавонони Тоҷикистон ҳамоиш баргузор шуд
Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
