РУШДИ ҶАҲОНИИ ММД СОЛИ 2023 ТО БА 1,4% КОҲИШ ЁФТ. Қаблан афзоиши ММД дар Тоҷикистон дар соли 2023 то 6,5% пешгӯӣ шуда буд
ДУШАНБЕ, 06.12.2022 /АМИТ «Ховар»/. Агентии рейтингии Fitch Ratings дар пешгӯии иқтисодии худ барои соли 2023 афзоиши ММД дар ҷаҳонро 1,4% арзёбӣ кардааст, хабар медиҳад АМИТ «Ховар» бо истинод ба ТАСС.
Қаблан агентӣ пешгӯӣ карда буд, ки нишондиҳандаи миёнаи афзоиши ММД дар ҷаҳон барои соли оянда 1,7%-ро ташкил медиҳад. Дар гузориши Fitch зикр шудааст, ки пешгӯиҳо аз нав дида баромада шуданд, зеро кишварҳои ҷаҳон бо болоравии нархҳо муборизаро идома медиҳанд ва ҳамчунин дурнамои бозори ғайриманқул дар Чин бадтар мешавад.
Мувофиқи пешгӯиҳои Fitch, иқтисодиёти ИМА соли оянда ҳамагӣ то 0,2% (қаблан дар сатҳи 0,5% интизор мерафт) меафзояд. Паст шудани нишондиҳандаҳо бо пурзӯр шудани сиёсати пулию қарзӣ дар кишвар алоқаманд аст.
Fitch ҳамчунин умедвор аст, ки дар Чин афзоиши ММД соли 2023 4,1% ва дар минтақаи Аврупо — 0,2 фоизро ташкил медиҳад.
Агентӣ зикр намудааст, ки буҳрон дар мамлакатҳои Аврупо ҳанӯз аз интиҳо дур аст. Пеш аз ҳама, ин ба баланд шудани нархҳои гази табиӣ вобаста аст.
Ёдовар мешавем, ки қаблан афзоиши ММД-ро дар Тоҷикистон дар барномаи ибтидоӣ барои соли 2023 дар сатҳи 6,5% аз рӯи 7,5 фоизи натиҷаҳои соли равон пешгӯӣ карда буданд- тибқи баҳои коршиносон, ин афзоиш миёни кишварҳои узви ин ниҳоди молиявӣ баландтарин хоҳад буд.
Тавре АМИТ «Ховар» хабар додааст, таҳлилгарони Бонки рушди АвруОсиё (БРАО) зимни пешгӯии хурди худ барои соли 2023 ба чунин хулоса омадаанд.
Азиза ДАДАБОЕВА,
АМИТ «Ховар»
АКС аз бойгонӣ
Сокинони деҳаи Фуруғдеҳи ноҳияи Хуросон бо оби тозаи нӯшокӣ таъмин шуданд
Дар ноҳияи Ёвон кишти картошка идома дорад
МАСЛИҲАТИ МУТАХАССИС. Башаклдарории дарахтон аз охири моҳи ноябр ва аввали декабр оғоз мегардад
Оид ба таъмини амнияти долонҳои энергетикӣ-нақлиётӣ ва таъсири он ба рушди минтақаи Осиёи Марказӣ ҳамоиш доир мегардад
Ассамблеяи СММ оид ба муҳити зист қатъномаи Тоҷикистонро оид ба ҳифзи пиряхҳо ва криосфера қабул намуд
ИСТИФОДАИ САМАРАНОКИ ЗАМИН. Сокинони ноҳияи Ёвон заминҳои наздиҳавлигиро оқилона истифода мебаранд
Дар шаҳру ноҳияҳои вилояти Суғд майдони гармхонаҳои инноватсионӣ зиёд мегардад
Дар ноҳияи Ҷалолиддини Балхӣ 16 навъи меваи ситрусӣ парвариш меёбад
«МУҚОВИМАТ БА КОРРУПСИЯ ДАР СОҲАИ ТИҶОРАТ». Дар Душанбе масъалаҳои муқовимат ба ин зуҳурот ва дастгирии соҳибкорӣ баррасӣ шуданд
Содироти маҳсулоти кишоварзӣ аз Тоҷикистон ба Русия баррасӣ гардид
Маросими ҷоизасупорӣ ба ғолибони Озмуни ҷумҳуриявии «Бренди сол – 2025» баргузор гардид
ШУРОИ МИЛЛИИ ОБ. Он ба истифода, ҳифз ва идоракунии устувори захираҳои обӣ дар Тоҷикистон мусоидат менамояд
