Ширкатҳои сохтмонии НОБ-и «Роғун» ба сокинони бекори Бадахшон 2590 ҷойи кори холиро пешниҳод намуданд

Декабрь 17, 2022 10:54

ДУШАНБЕ, 17.12.2022 /АМИТ «Ховар»/. Дар шаҳри Хоруғ ярмаркаи ҷойҳои кории холӣ ва вазифаҳои озод доир гардид, ки дар он 14 ширкати пудратчии НОБ-и «Роғун» ширкат варзида, 2590 ҷойи холии корӣ ва вазифаҳои озодро барои шаҳрвандони бекори Вилояти Мухтори Кӯҳистони Бадахшон пешниҳод намуданд. Дар ин бора АМИТ «Ховар» бо итсинод ба Мақомоти иҷроияи ҳокимияти давлатии ВМКБ хабар медиҳад.

Дар ярмаркаи мазкур, ки бо мусоидати Агентии меҳнат, муҳоҷират ва шуғли аҳолии вилоят сурат гирифт, дар баробари пешниҳоди ҷойҳои корӣ, инчунин барои касбомўзон гӯшаи ҳунарҳои мардумӣ ташкил карда шуд, ки аз фаъолияти хуби муассисаҳои касбӣ далолат медод.

Тибқи иттилои сардори Раёсти Агентии меҳнат, муҳоҷират ва шуғли аҳолии вилоят Ҷаббори Қосим, аз ҷониби ширкатҳои сохтмонии НОБ — и «Роғун» дар маҷмӯъ зиёда аз 2590 ҷойи кори холӣ пешниҳод шуда, баъди ба кор қабул шудани корҷӯён ҳаққи маоши онҳо аз 2500 то 3000 сомонӣ ва зиёдтар ташкил медиҳад. Бар замми ин, барои онҳо тамоми шароитҳои аввала муҳайё шуда, кормандон дар иншооти сохтмонии сохташаванда 15 рӯзи корӣ ва 15 рӯзи истироҳат доранд.

Сардори Раёсати кадрҳои Ҷамъияти саҳомии кушодаи НОБ-и «Роғун» Сайдулло Абдулаҳадзода иброз намуд, ки бо дастуру супоришҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба бо ҷойи кор таъмин намудани сокинони мамлакат дар НБО-и «Роғун» низ пайваста ярмаркаи ҷойҳои кории холӣ ва вазифаҳои озод доир мегардад.

Мавсуф тазаккур дод, ки мақсади асосии ярмарка ин бешар ҷалб намудани ҷавонон бо ҷойи кор буда, айни ҳол дар НБО-и «Роғун» зиёда аз 12 ҳазор коргар фаъолият мекунанд, ки 300 нафарашон зодагони ВМКБ мебошанд. Ният дорем, ки бештар ҷавонони вилоятро ба кор ҷалб намоем, зеро онҳо қобилияти хуби корӣ доранд.

Ба таъкиди номбурда дар нерӯгоҳи мазкур 40 ширкат фаъолият дошта, ҳар як ширкат бояд барои ҷалби мутахассисон, пеш аз ҳама, шароити иҷтимоиро ба назар гирад. Бинобар ин, кормандони мо ҳамеша бо хобгоҳ, се вақт хўроки гарм ва маоши хуб таъмин мегарданд.

Шахсоне, ки воқеан хоҳиши кор кардан дар нерўгоҳро доранд, бояд дар раёсати Агентии меҳнат, муҳоҷират ва шуғли аҳолии вилоят худро номнавис намоянд.

Бояд гуфт, ки ярмаркаи мазкур бо иқдоми Роҳбарияти Олии мамлакат на танҳо дар Вилояти Мухтори Кӯҳистони Бадахшон, балки дигар минтақаҳои ҷумҳурӣ низ пайваста гузаронида мешавад.

АКС: «Рӯзномаи Бадахшон»

                                                           

Декабрь 17, 2022 10:54

Хабарҳои дигари ин бахш

Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Ҳайати Шурои директорони иҷроияи Бонки ҷаҳонӣ бо ҷараёни корҳо дар Неругоҳи барқи обии «Роғун» шинос шуд
Дар шаҳри Абузабӣ масъалаи ҷалби маблағҳо барои лоиҳаи сохтмони НБО-и «Роғун» баррасӣ гардид
Ҳайати энергетикҳои Қирғизистон бо иншооти азим- Неругоҳи барқи обии «Роғун» шинос гардид
Дар Неругоҳи барқи обии «Роғун» фаъолияти занон назаррас аст
Ҳайати Қирғизистон бо ҷараёни корҳо дар Неругоҳи барқи обии «Роғун» шинос гардид
КОРҲОИ ҶУЗЪИ ЧОРУМ ДАР НБО-И «РОҒУН». Маблағҳои қарзии Фонди саудии рушд барои анҷоми он нигаронида шудааст
«РОҒУН» — ТАРҲИ НОДИРИ ГИДРОЭНЕРГЕТИКӢ. Он бозгӯи сиёсати муваффақонаи Ҳукумати Тоҷикистон ҷиҳати истифодаи самараноки захираҳои обӣ аст
Дар Душанбе Созишномаи қарзӣ байни Ҳукумати Тоҷикистон ва Фонди Саудии Рушд оид ба лоиҳаи НБО-и «Роғун» ба имзо расонида шуд
Султон Абдулраҳмон ал-Маршад: «Фонди Саудии Рушд Созишномаро оид ба ҷудо намудани 100 миллион доллари амрикоӣ барои сохтмони НБО-и «Роғун» ба имзо мерасонад»
«РОҒУН»- ИНШООТИ АЗИМИ АСР. Гурӯҳи омӯзгорону донишҷӯёни Донишгоҳи славянии Русия ва Тоҷикистон бо ин неругоҳ шинос шуд
«ШАҲОМАТИ РОҒУН». Маҷмуаи мақолаҳои кормандону омӯзгорони Донишгоҳи миллии Тоҷикистон доир ба ин иншооти аср ба табъ расид