ТАҚВИМИ АМИТ «ХОВАР»: имрӯз 1 декабр, панҷшанбе, 335-умин рӯзи соли 2022 аст

1 декабри соли 2010 дар Қазоқистон Президенти Ҷумҳурии Тоҷикистон муҳтарам Эмомалӣ Раҳмон дар ҳамоиши навбатии сарони давлатҳо ва ҳукуматҳои кишварҳои аъзои Созмони амният ва ҳамкорӣ дар Аврупо суханронӣ карданд.

***

7 сол пеш, 1 декабри соли 2015 Сарвари давлат муҳтарам Эмомалӣ Раҳмон ба шаҳри Брюссели Шоҳигарии Белгия сафар карда, дар он ҷо бо роҳбарияти олии Иттиҳоди Аврупо ва Комиссияи Аврупо, инчунин намояндагони воломақоми дигар ташкилоту созмонҳои байналмилалӣ мулоқот анҷом доданд.

***

Дар ин рӯзи соли 2016 дар Чехия Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Чехия оид ба алоқаи ҳавоӣ ба имзо расид.

1 ДЕКАБР ТАҶЛИЛ КАРДА МЕШАВАД:

Рӯзи байналмилалии мубориза бар зидди ВНМО (СПИД).

***

Дар Қазоқистон – Рӯзи президенти аввалин.

***

Дар Руминия – Рӯзи муттаҳидии миллӣ.

***

Дар Исландия – Рӯзи истиқлол.

***

Дар Украина – Рӯзи кормандони прокуратура.

РӮЙДОДҲО:

1 декабри соли 2006 дар шаҳри Душанбе намояндагии яке аз бонкҳои калони иқтисодии Қазоқистон -«Казкоммерсбонк» кушода шуд.

ИНЧУНИН ДАР ИН РӮЗ…

Соли 2017 Кумитаи рушди сайёҳии назди Ҳукумати Ҷумҳурии Тоҷикистон портали миллии сайёҳӣ фаъол намуд.