Вазири мудофиаи Исроил омодагии аз ҳад зиёди ин кишварро барои ҳамла ба Эрон эълон дошт

Декабрь 29, 2022 10:37

ДУШАНБЕ, 29.12.2022 /АМИТ «Ховар»/. Исроил солҳои охир сатҳи омодагиашро ба ҳамлаи эҳтимолӣ дар иншооти ядроии Эрон қатъиян афзоиш додааст. Тавре АМИТ «Ховар» бо истинод ба ТАСС иттилоъ медиҳад, бо чунин изҳорот рӯзи чаҳоршанбеи 28 декабр вазири мудофиаи давлати Исроил Бенни Гантс дар маросими анҷоми курси омӯзиши халабонҳои Неруҳои ҳарбӣ-ҳавоии Исроил дар пойгоҳи низомӣ дар ҷануби мамлакат баён дошт.

Рӯзномаи The Times of Israel навиштааст, ки ин шояд охирин баромади расмии Гантс ба сифати вазири мудофиа бошад. Қарор аст 29 декабр Кнессет (парламент) дар ҳайати ҳукумати нав таҳти раҳбарии Бенямин Нетаняҳу савганд ёд кунад. Вай пас аз интихоботи парламентии 1 ноябр ҳайати вазиронро ташкил дод. Вазифаи вазири мудофиаро дар ҳайати вазирони нав Йоав Галант ишғол мекунад.

Қаблан рӯзи чаҳоршанбе Нетаняҳу изҳор дошт, ки ҳайати вазирони нави Исроил ба муқобили барномаи ядроии Эрон аксуламалро идома медиҳад.

Азиза ДАДАБОЕВА,
АМИТ «Ховар»

АКС аз манбаъҳои боз

Декабрь 29, 2022 10:37

Хабарҳои дигари ин бахш

Се олим бо ҷоизаи Нобел дар бахши иқтисод дар соли 2025 сарфароз гардонида шуданд
Дар шаҳри Толятии Федератсияи Русия ошхонаи миллии тоҷикӣ ифтитоҳ гардид
Раёсат дар Иттиҳоди Давлатҳои Мустақил дар соли 2026 ба Туркманистон гузашт
Имрӯз дар Минск ҷаласаи Шурои сарони ҳукуматҳои ИДМ баргузор мегардад
Шумораи давлатҳо ва ҳайатҳое, ки дар Бозиҳои III ИДМ иштирок менамоянд, эълон гардид
Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд