Футболбози тоҷик Муҳаммадҷон Раҳимов бо дастаи «Насаф»-и Қаршии Узбекистон қарордоди ҳамкорӣ имзо кард

ДУШАНБЕ, 25.01.2023 /АМИТ «Ховар»/. Нимҳимоятгари 24-солаи дастаи мунтахаби миллии Тоҷикистон Муҳаммадҷон Раҳимов ба дастаи «Насаф»-и Қаршӣ, ки дар мавсими нави Суперлигаи Узбекистон баромад мекунад, қарордоди ҳамкорӣ имзо кард. Дар ин бора ба АМИТ «Ховар» дар Федератсия футболи Тоҷикистон хабар доданд.

Шартномаи Муҳаммадҷон Раҳимов бо «Насаф» то охири соли 2023 муҳлат дорад.

Қаблан Раҳимов дар дастаҳои «Равшан», «Ҳосилот» ва «Истиқлол»-и Тоҷикистон, инчунин дар «Ордабаси»-и Қазоқистон бозӣ кардааст.

Муҳаммадҷон Раҳимов аз соли 2016 дар ҳайати дастаи мунтахаби миллии Тоҷикистон бозӣ мекунад. Дар ин муддат ӯ дар ҳайати дастаи мунтахаби кишвар 42 вохӯрӣ анҷом дода, ду гол задааст.

Акс: ФФТ