ФУТЗАЛ. Дастаи мунтахаби занонаи Тоҷикистон ба Чемпионати CAFA-2023 дар шаҳри Душанбе омодагӣ мебинад

Январь 16, 2023 10:48

ДУШАНБЕ, 16.01.2023 /АМИТ «Ховар»/. Дастаи мунтахаби занонаи Тоҷикистон оид ба футзал дар шаҳри Душанбе бо мақсади омодагӣ ба чемпионати Ассотсиатсияи футболи Осиёи Марказӣ (CAFA) ҷамъомади таълимиву тамринӣ мегузаронад, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Дар ҷамъомади таълимию тамринӣ дастаи мунтахаби футзали занонаи Тоҷикистон таҳти роҳбарии мутахассиси эронӣ Мустафо Афшорӣ дар маҷмааи варзишии «Кохи Олимп» дар як рӯз ду маротиба машқ дорад. Дар айни замон дар ҳайати дастаи мунтахаб 17 бозингар қарор доранд.

Дар Чемпионати CAFA-2023 оид ба футзал, ки аз 25 то 31 январ дар шаҳри Тошканди Ҷумҳурии Узбекистон баргузор мешавад, дастаи мунтахаби занонаи Тоҷикистон бо дастаҳои мунтахаби Эрон, Узбекистон ва Қирғизистон рақобат мекунад.

Ҳайати дастаи мунтахаби футзали занонаи Тоҷикистон барои ҷамъомади таълимиву тамринӣ дар Душанбе:

Дарвозабонҳо: Сайёра Саидова, Рӯзигули Ҳасан, Муниса Гулова (ҳама аз «Зебонисо»);

Бозигарон: Некубахт Худододова, Карина Мирзоева, Нисо Абдуллоева, Ҷонона Қурбонова, Марҷона Саидова, Шамсия Ҳусейнова, Малика Қаюмова (ҳама аз «Зебонисо»), Мадина Фозилова (бе бошгоҳ), Зулайхо Сафарова, Лайло Ҳалимова, Беназир Ҷумъахонзода, Меҳрангез Шарипова (ҳама аз «Хатлон»), Комила Расулова (МВЗО №27 «Сокол», Москва), Марҷона Файзуллоева («Зебо», Дӯстӣ).

Сармураббӣ – Мустафо Афшорӣ (Эрон).

Акс: ФФТ

Январь 16, 2023 10:48

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад