Хадамоти алоқа: «Дар Тоҷикистон барои баланд кардани суръати интернет пойгоҳҳои заминавӣ насб карда мешаванд»
ДУШАНБЕ, 30.01.2023 /АМИТ «Ховар»/. Хадамоти алоқаи мамлакат бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми солона ба Маҷлиси Олӣ ҷиҳати беҳтаргардонии хизматрасониҳои алоқаи мобилӣ ва дастрас гардонидани интернети баландсуръат дода буданд, шумораи маҷмӯи истгоҳҳои барқии базавӣ, яъне пойгоҳҳои базавиро дар ҷумҳурӣ зиёд менамояд. Дар ин бора имрӯз зимни нишасти матбуотӣ муовини Сардори Хадамоти алоқаи назди Ҳукумати Ҷумҳурии Тоҷикистон Илҳомҷон Атоев ибрози назар намуд, хабар медиҳад мухбири АМИТ «Ховар».
Ба гуфтаи Илҳомҷон Атоев, тибқи нақшаи тасдиқгардида айни замон пойгоҳҳои зикршуда ба мамлакат ворид карда шуда истодаанд. Инчунин марҳилаи якуми насби онҳо, ки корҳои санҷишӣ- техникӣ, аниқ намудани ҷойи иловагии насби онҳоро дар бар мегирад, дар шаҳри Душанбе муайян карда мешавад.
Номбурда дар мавриди паст намудани нархи интернет ба хабарнигорон иброз дошт, ки дар ин самт корҳои иқтисодӣ ва технологӣ бо вазорату идораҳои марбутаи мамлакат ба роҳ монда шуда, рӯзҳои наздик амалӣ карда мешаванд. Албатта, баъд аз корбарӣ нархи интернет паст мегардад.
Тазаккур дода шуд, ки соли 2022 дар Ҷумҳурии Тоҷикистон барои насби истгоҳҳои базавии ширкатҳои алоқаи мобилӣ 736 ҳуҷҷати иҷозатдиҳӣ дода шудааст.
Дар ҷумҳурӣ шумораи муштариёни умумии алоқаи мобилӣ қариб 8,3 миллионро ташкил медиҳад, аз ҷумла 6,4 миллион нафари онҳо фаъол мебошанд.
АКС: АМИТ «Ховар»
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
